Ishki ister mınıstri Erlan Turǵymbaev 2021 jyldy quqyq buzýshylyqtardyń aldyn alý jáne «qadamdyq qoljetimdiliktegi polısııa» qaǵıdatyn júzege asyrý jyly dep jarııalady. Shymkentte qabyldanyp jatqan jedel aldyn alý sharalary qoǵamdyq oryndarda jasalǵan qylmystardy tómendetýge yqpal etýde.
Máselen, Jedel basqarý ortylyǵy beınebaqylaý tobynyń ınspektolarymen 15-21 aqpan aralyǵynda syrtqy beınekameralary arqyly jeti qylmys ashyldy. Olar: urlyq – úsh, buzaqylyq – úsh, basqa da –bir. Beınebaqylaý kameralary zań buzýshylyqtyń aldyn-alýǵa, qylmystyń izin sýytpaı ashylýyna úlken kómegin tıgizýde. Al 102 arnasyna ár túrli sıpattaǵy 6294 qońyraý shalyndy. Onyń 2 648-i tirkeýge alynyp, qazirgi tańda tergeý amaldary júrgizilýde.
Sondaı-aq, nóldik tózimdilik qaǵıdasy jáne ákimshilik quqyq buzýshylyq boıynsha 923 jaıt anyqtalyp, hattamalar toltyryldy.
Onyń ishinde: QR ÁQBtK-niń 434-baby (Qoǵamdyq oryndarda qoqys tastaý) boıynsha – on bir jaıt; QR ÁQBtK-niń 440-baby (Qoǵamdyq oryndarda mas halde júrý) boıynsha – 24; QR ÁQBtK-niń 449-baby (Qoǵamdyq oryndarda qaıyrshylyq jasaý) boıynsha – 20, jol erejesin buzǵandar – 768 , odan basqa da 100 jaıt anyqtaldy.
