Memleket basshysy Qasym-Jomart Toqaev ótken jyly Qazaqstan halqyna Joldaýynda: «Halyqqa elektrondy servısterdi paıdalanýǵa qolaıly jaǵdaı jasap, memlekettik qyzet kórsetý isinde de, jeke sektorda da bıometrııany qoldanýdyń naqty sharalaryn qabyldaǵan jón», dep naqty tapsyrma bergen bolatyn.
Búginde osy tapsyrmany júzege asyrý aıasynda mobıldik azamattar bazasynda tirkelgen nómirge birjolǵy habarlama túrinde qupııa sózdi joldaý arqyly qyzmettergeqol qoıý tetigi iske asyryldy.
Qazirgi ýaqytta birjolǵy habarlama túrindegi qupııa sóz arqyly qol qoıyp, 120-dan astam memlekettik qyzmet túrin jáne servıs alýǵa bolady. Egov portalynda QR-kod arqyly memlekettik qyzmetterge qol qoıý qyzmeti iske qosyldy.
Adamnyń bet-álpetin bıometrııalyq sáıkestendirý arqyly qashyqtan ESQ alýdyń qanatqaqty jobasy ázirlenip, iske qosyldy. Qyzmettiń osy túri iske qosylǵaly beri jeke jáne zańdy tulǵalar úshin 2,3 mıllıonnan astam ESQ shyǵaryldy.
Sonymen qatar Memleket basshysy jeke kýálikter, dıplomdar men júrgizýshi kýálikteriniń elektrondy nuqasyn engizý jáne memlekettik organdardyń jumysyn sıfrlandyrý prosesterin qamtamasyz etý kerektigin tapsyrǵan bolatyn Atalǵan tapsyrma aıasynda qazirgi ýaqytta eGov mobile mobıldi qosymshasynda kelesi qujattardyń sıfrlyq nusqasy qoljetimdi.
- jeke kýálik,
- júrgizýshi kýáligi,
- týý týraly kýálik,
- neke qııý kýáligi,
- aty-jónin, ákesiniń atyn ózgertý týraly kýálik,
- neke buzý týraly kýálik,
- elektrondy tehnıkalyq qujat,
- PTR taldamasynyń nátıjeleri, stýdent bıleti,
- bilim alǵany týraly dıplom.
Sıfrly qujattar qaǵaz túrindegi túpnusqanyń elektrondyq nusqasy jáne QR-kod túrinde jasalady.
