Osy jarystyń 7-raketkasy bolyp tirkelgen qazaqstandyq tennısshi alǵashqy aınalymda dúnıejúzilik reıtıngte 54-orynda turǵan germanııalyq Laýra Zıgemýndpen kezdesti.
Birinshi partııada Iý. Pýtınseva breık jasap, jeńiske jete aldy. Esep 6:4 boldy. Ekinshi sette esep 2:1 bolǵan mezette qazaqstandyq tennısshi breıkke qol jetkizdi. Alaıda L. Zıgemýnd sol boıda qarymta qaıyryp, tarazy basyn teńestirdi – 3:3.
Degenmen Iý. Pýtınseva matchty taǵy bir breıkpen bitirdi – 6:4. Birshama tartysty ótken báseke 1 saǵat 49 mınýtqa sozyldy. Iýlııa shırek fınalǵa shyǵý úshin reıtıngte 292-satydaǵy aýstralııalyq Storm Senderspen talasady.
