«Aýyl hıkaıalary» dramasy sýretker O.Bókeıdiń «Apamnyń astaýy», «Qosh, mahabbatym» jáne «Mańdaıdan baǵyń shaıqalsa» áńgimeleriniń jelisi boıynsha sahnalanady. Kórermender ókinish pen qoshtasý, qýanysh pen muń, mahabbat pen qımastyq sezimin bastan keshirip, kishi sahnada qoıylymnyń qatysýshyna aınalady. Qoıylym sizdiń júrek túbindegi ystyq sezimderdi oıatyp, asyl shaqtaryńyzdy eske alýǵa, siz úshin qymbat jandarmen taǵy bir márte tildesýge, syrlasýǵa múmkindik beredi.
Rejısserleri: Qazaqstannyń eńbek sińirgen qaıratkeri – Saılaý Qamıev, Nurjigit Mýslımov, Álı Bıdahmet, sýretshi – Aınur Esbolatova.
Keıipkerler men oryndaýshylar:
«Apamnyń astaýy»: Bala – Aqnıet Jaqsyǵalı, avtor – Nurjigit Mýslımov, apa – Ajar Shákirjanova, Qashybaı – Baǵlan Imanǵazınov, mýzykant (baıan aspabynda) – Aqjol Amantaı, ánshi (jeke daýysta) – Qorlan Qartqojaqova.
«Qosh, mahabbatym»: Balaǵaz – Rızabek Álı, Janna – Dilnáz Ertaeva, Qapash – Baqtııar Qýandyq, Aıtjamal – Merýert Qýantaeva, Rahıma – Eńilik Aıymǵazy, Nurtóre – Qazbek Amanjol, Jaras – Álı Jarasuly, mýzykant (gıtarada) – Almas Asqaruly, ánshi (jeke daýysta) – Albına Valıeva.
«Mańdaıdan baǵyń shaıqalsa»: Avtor – Álı Bıdahmet, Daryn Nursadyq, Shaǵan – Beıbarys Asqarbekov, Erasyl Ahanov, Apa – Gúlmıra Jakılına, Ata – Aıbol Shákirjanov, Qaǵan – Álı Jarasuly
«Altaıdyń Kerbuǵysy» atanǵan zańǵar jazýshy Oralhan Bókeıdiń áńgimeleri ómirsheńdigimen, tereń syrly lırıkasymen el júreginen óz ornyn, mártebesin alǵan.
