Odan ózge, qala turǵyndaryna medısınalyq kómek kórsetý barysynda ótken jyly kepildendirilgen medısınalyq qyzmet kórsetýge bólingen qarjy 88 paıyzǵa artty. 2019 jyly 42 mlrd teńge, al byltyr 80 mlrd teńge bólindi. Bıyl da osy deńgeıde qarajat qaralady. Shymkentte osyǵan deıin densaýlyq salasyna mundaı qomaqty qarjy bólingen emes.
Byltyr jyl boıy koronavırýs indetimen kúressek, bıyl da bul kúres jalǵasyn tabady degen Shymkent qalasynyń ákimi esepti kezdesý kezinde vaksınasıalandyrý máselesin de qozǵady.
Shymkent qalasyna reseılik Sputnik V vaksınasynyń alǵashqy legi 1 aqpanda keldi. Bir myń azamat, onyń ishinde qala ákimi de erikti túrde vaksına saldyrdy. Elimizde vaksına erikti túrde salynady jáne dárigerler ázirge koronavırýsty jeńýdiń jalǵyz joly osy ekenin aıtýda.
