Sport • 26 Aqpan, 2021

Almatyda armııalyq qoıan-qoltyq urysynan Qarýly Kúshterdiń chempıonaty aıaqtaldy

34 ret kórsetildi

Qarýly Kúshterdiń XVIII spartakıadasy aıasynda áskerı qyzmetshiler arasynda Almatydaǵy Ortalyq sport klýbynyń bazasynda armııalyq qoıan-qoltyq kúresinen chempıonat ótti, dep habarlaıdy Egemen.kz.

Kil myqtynyń qatarynan kóriný úshin ásker tekteriniń, óńirlik qolbasshylyqtardyń, sondaı-aq áskerı oqý oryndardyń atynan 15 komandanyń 132 sportshysy qatysty.

Epıdemıologııalyq ahýalǵa baılanysty chempıonat kórermensiz ótti, al jekpe-jekti baqylaýǵa nıettiler Facebook pen Instagram áleýmettik jelilerindegi OSK-nyń resmı akkaýnttary arqyly onlaın-translıasııa rejıminde tamashalady.

Bıylǵy 25 aqpanda Biryńǵaı Sport kúninde aqtyq jekpe-jek ótti. Qorǵanys mınıstriniń orynbasary Daryn Tuıaqov chempıonatqa qatysýshylardy qarsy aldy, ol armııalyq qoıan-qoltyq urystyń damyp kele jatqanyn jáne onyń jaýyngerlerdi daıarlaýdaǵy mańyzyn atap ótti.

Týrnır qorytyndysy boıynsha óz salmaq dárejesinde kapıtan Aman Shákirtov (55 kelige deıin), aǵa leıtenant Arhat Baıahmetov (60 kelige deıin), efreıtor Otar Nurbek (65 kelige deıin), efreıtor Erjan Oljas (70 kelige deıin), qatardaǵy jaýynger Erkinǵalı Búrkitálın (75 kelige deıin), aǵa leıtenant Baqtııar Qojahmetov (80 kelige deıin), serjant Janbolat Raǵshauly (85 kelige deıin), aǵa serjant Arman Ermenbet (90 kelige deıin), kapıtan Jasulan Músirkenov (90 keliden joǵary) jeńimpaz atandy.

Jalpy komandalyq esepte birinshi oryndy 14776 áskerı bólimi, ekinshi oryndy «Batys» óńirlik qolbasshylyǵy, al úshinshi oryndy – «Shyǵys» óńirlik qolbasshylyǵy aldy.

Qorǵanys mınıstri, Búkil qazaqstandyq qoıan-qoltyq urys qaýymdastyǵynyń tóraǵasy, general-leıtenant Nurlan Ermekbaev chempıonattyń jeńimpazdary men qatysýshylaryna quttyqtaý joldady.

Armııalyq jekpe-jek urysy Qarýly Kúshterdegi eń tanymal sport túri ǵana emes, sondaı-aq áskerı qyzmetshilerdiń jaýyngerlik daǵdylaryn arttyrýdyń, dene daıyndyǵyn jetildirýdiń, moraldyq-psıhologııalyq turaqtylyqty nyǵaıtýdyń tıimdi quraly ekenin  atap ótti.

Qorǵanys vedomstvosynyń basshysy qatysýshylardyń barlyǵy joǵary sheberlik pen jeńiske jetýge degen kúsh-jigerdi tanytqanyn, qatysýshylar jetistikke jetý úshin bar kúshin-jigerin salǵanyn, alaıda sport bolǵan soń jeńimpazdar men jeńilgender bolatynyn aıta ketti.

Qorǵanys mınıstri jeńimpazdar men júldegerlerdi osy jetistigimen toqtamaı, ári qaraı sheberlikterin jetildiretinine senetinin, al búgin sátsiz nátıje kórsetkender bolashaqta tabysqa jetý jolynda kúsh-qaıratyn aıamaı, jeńis tuǵyrynan kórinýge tilektestigin jetkizdi.

Sońǵy jańalyqtar

Minsiz – kim?

Rýhanııat • Keshe

Semeıdegi serpilis

Aımaqtar • Keshe

Uqsas jańalyqtar