Elordanyń qoǵamdyq kólikterinde jolaqy tóleý júıesiniń keıbir servısteri ýaqytsha qoljetimsiz bolady

Qoǵam • 26 Aqpan, 2021

Elordanyń qoǵamdyq kólikterinde jolaqy tóleý júıesiniń keıbir servısteri ýaqytsha qoljetimsiz bolady

CTS 27 aqpan men 1 naýryz aralyǵynda elordanyń ortalyq jolaqysyn tóleý júıesin jaqsartý boıynsha profılaktıkalyq jáne tehnıkalyq jumystar júrgizedi, dep habarlaıdy Egemen.kz qala ákimdiginiń resmı saıtyna silteme jasap.

Marzhan Tileubekova

«27 aqpannan 1 naýryz saǵat 09:00-ge deıin elordanyń ortalyq jolaqy tóleý júıesin jaqsartý boıynsha CTS profılaktıkalyq jáne tehnıkalyq jumystar júrgizedi», - delingen kompanııa habarlamasynda.

Tehnıkalyq jumystardy júrgizý kezinde:

- korporatıvtik saıt jáne Transcard mobıldi qosymshasy arqyly kólik kartalarynyń teńgerimi qashyqtyqtan toltyrylmaıdy jáne tekserilmeıdi;

- ekinshi deńgeıli bankter men seriktesterdiń barlyq saıttary men qosymshalarynda kólik kartalarynyń teńgerimin qashyqtan toltyrý jáne tekserý qyzmeti júrgizilmeıdi;

- zańdy tulǵalardyń korporatıvtik portaly istemeıdi;

- qosymshalar avtobýstardy kórsetpeıdi;

- aıaldama keshenderiniń elektrondyq tablosynda aqparat kórsetilmeıdi;

- Transcard.kz saıty jeńildikti jáne mektep kólik kartalaryn shyǵarýǵa onlaın ótinimderdi qabyldamaıdy.

27 aqpan kúni Ortalyq kassa saǵat 13:00-ge deıin jumys isteıdi.

Tehnıkalyq jumystar kezinde RTVM avtomattarda kólik kartalaryn tolyqtyrýǵa bolady.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz