Aımaqtar • 01 Naýryz, 2021

Semeı ıadrolyq synaq polıgony jabylýynyń 30 jyldyǵyna arnalǵan kezdesý ótti

175 ret kórsetildi

El táýelsizdik alǵan 1991 jyly Elbasy Nursultan Nazarbaev óz Jarlyǵymen Semeı ıadrolyq synaq polıgonyn máńgilikke japty. 

Bul aıtýly oqıǵa jerimizge sansyz qaıǵy-qasiret ákelgen ıadrolyq jarylystardy toqtatyp, Táýelsiz Qazaqstan Respýblıkasyn beıbit ómir súıgish el retinde álemge áıgili etti. Qalalyq Dostyq úıinde El Táýelsizdigi men Semeı ıadrolyq synaq polıgony jabylýynyń 30 jyldyǵyna arnalǵan kezdesý ótti. Kezdesýge Semeı qalasy ákiminiń orynbasary Aıdar Sadyrbaev ta qatysyp, tyń oılarymen bólisti.

«Nevada-Semeı» qozǵalysynyń Vıse-prezıdenti, Qazaqstan Respýblıkasynyń eńbek sińirgen energetıgi, «Parasat», «Qurmet» ordenderiniń ıegeri Sultan Kartoev kóp nársege qol jetkizilgenin, alaıda munymen toqtap qalýǵa bolmaıtynyn habarlady. Prezıdent Qasym-Jomart Toqaevtyń «Táýelsizdik bárinen qymbat» maqalasy halyqqa úlken oı salyp otyr, deıdi.

Semeı synaq polıgonynyń jabylýy elimizdegi azamattyq qoǵamnyń damýymen tikeleı baılanysty. Bulaı deýge sebep, polıgon jumysynyń toqtaýyna atsalysqan «Nevada-Semeı» halyqaralyq antııadrolyq qozǵalysy azamattyq qoǵam aıasynda qurylǵan eń alǵashqy úkimettik emes uıym bolatyn. Qazir qozǵalystyń 18 myń múshesi bar. Eń alǵash Oljas Súleımenovtyń jetekshiligimen jumystaryn bastaǵan qozǵalysqa senim bildirip otyrǵan Qazaqstan halqy Semeı polıgonyn óziniń tarıhı Jarlyǵymen japqan Elbasy ekenin maqtan tutady. Halyqaralyq antııadrolyq qozǵalystyń vıse-prezıdenti Sultan Kartoev dóńgelek ústelde bylaı deıdi:

- Búginde búkil álem Qazaqstannyń ıadrolyq qarýsyz jolyn tanyp bilip ári úırenip jatyr. Egemendiktiń alǵashqy jyldary-aq, Tuńǵysh Prezıdent Nursultan Ábishuly men Qazaqstan halqy qazirgi ýaqytta iri derjava sanalatyn elder jasaı almaı otyrǵan dúnıege qol jetkizdi. Semeı polıgony jabyldy. О́rkenıettiń damýyna úles qosyp, adamzatty ıadrolyq qaterden qutqardy. Adam balasynyń mindeti beıbit ómirge umtylý ekendigin dáleldep berdi. Tipti sol kezderi ekonomıkalyq daǵdarysta turǵandyǵyna qaramastan Qazaqstan synaqtardy jalǵastyrýdan bas tartty. Meniń esimde bar, «Nevada-Semeı» qozǵalysynyń bastaý alǵan jyldary bolatyn.

Chernobyldyq múgedekter qoǵamynyń tóraǵasy Venıamın Slednıkov «Nevada-Semeı» qozǵalysynyń bastamashylary alǵashqy ýaqytta tipti Máskeýge jetkenin atap ótti.

- 1987 jyly alańǵa plakaty bar adam shyǵyp, SIIаP-ty jabýǵa shaqyrdy. Bundaı  áreketke negiz bolǵan Chernobyl stansııasyndaǵy jarylys edi. Bul týraly teledıdarda da aıtýǵa tyıym salyndy. Radıasııa degenimiz jabyq másele edi. Bul adam Vıacheslav Kobrın  edi, tipti Máskeýge baryp, onda ol bas úıdiń aldynda da sol plakatty kóterdi. Ony tutqyndaǵylary kelgen kezde Oljas Súleımenov buny kórip, Vıacheslav Grıgorevıchti mılısııanyń qolynan julyp alyp, ony tutqyndaýǵa kedergi jasady. Sodan keıin biz birtindep «Nevada-Semeı»  qozǵalysyn qurýǵa bet aldyq, «Nevada-Semeı» dep oǵan Súleımenov ataý berdi, - dedi Venıamın Slednıkov.

Elbasynyń usynymen 29 tamyz-ıadrolyq synaqtarǵa qarsy kúres kúni dep jarııalandy. Bul usynys BUU tarapynan úlken qoldaýǵa ıe boldy. Tuńǵysh Prezıdentimizdiń adamzattyń ıgiligin oılaǵan sarabdal saıasatyn joǵary baǵalaımyz,-dedi «Nevada-Semeı» qozǵalysynyń senimdi ókil dárigeri Bolat Serikbaev,-qazirgi tańda osy joldy jalǵastyrýshy Memleket basshysy Qasym-Jomart Toqaevtyń ǵylym-bilim, ekonomıka salasyndaǵy eýrazııalyq yqpaldastyq úderisterge belsene qatysyp, sheteldermen strategııalyq, atap aıtqanda áriptestik jáne odaqtastyq qatynastardy nyǵaıtýǵa baǵyttalǵan keń aýqymdy baǵytyn barlyǵymyz qoldaımyz. Elimizde mańyzdy jumystar atqarylyp jatyr, ony joqqa shyǵarýǵa bolmaıdy. Degenmen polıgonnan zardap shekkenderge jeńildikter áli de bolsa qarastyrylýy qajet dep oılaımyz.

Raýshan NUǴMANBEKOVA,

Semeı

 

Sońǵy jańalyqtar

«Ertis ormany» rezervatynda órt shyqty

Aımaqtar • Búgin, 21:30

Tarıhı jeńiske qol jetkizdi

Tennıs • Búgin, 20:12

Nar tulǵa

Rýhanııat • Búgin, 20:10

Ekpe saldyrý ózekti

Medısına • Búgin, 20:07

Sheteldik basylymnan

Álem • Búgin, 20:02

Arýlarymyz alty júlde aldy

Sport • Búgin, 19:55

Qazaqstanǵa agrobank qajet pe?

Qazaqstan • Búgin, 19:51

Aıtyldy-oryndaldy: Jeti JOO jabyldy

Prezıdent • Búgin, 18:31

Qasıetti aıda qaıyrymdylyq jasady

Aımaqtar • Búgin, 09:20

Poıyz avtokólikti soqty

Oqıǵa • Keshe

ShQO-da mal urylary ustaldy

Aımaqtar • Keshe

Uqsas jańalyqtar