Aımaqtar • 01 Naýryz, 2021

Shymkentte azamattar 30 mamandyq boıynsha tegin qysqa merzimdi kásiptik bilim ala alady

20 ret kórsetildi

Shymkent qalasy ákimdiginiń jumyspen qamtý ortalyǵynda qysqa merzimdi kásiptik oqytýǵa arnalǵan 30-dan astam mamandyqtyń tizimi bekitildi. Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasyn iske asyrý aıasynda jumyssyz júrgen azamattar ózine unaǵan mamandyq boıynsha bilim alyp, sertıfıkat ıelenedi. Qazirgi tańda suranysqa saı dızaıner, kondıter, tiginshi, avtoelektrık, tas qalaýshy, kran mashınısi, vızajıst, shashtaraz sheberi, aspaz jáne ózge de mamandyqtarǵa bıyl 2500-den asa azamatty oqýǵa joldaý josparlanyp otyr, dep habarlaıdy Egemen.kz.

Oqý merzimi - 3 aı. Oqýǵa joldanǵan azamattarǵa aı saıyn 17 000 tg shamasynda shákirtaqy qarastyrylǵan. Oqytý kýrstaryna jumyspen qamtý ortalyǵynda jumyssyz retinde tirkelgen 18 jastan asqan (stýdent emes) jáne zeınet jasqa deıingi azamattar qatysa alady. Oqýyn támamdaǵan azamattarǵa biliktilik kýálikteri tabystalady. Sol qujat arqyly azamat memlekettik grantqa jáne jyldyq paıyzy 6% -dan aspaıtyn shaǵyn nesıege qujat ótkize alady. 

Qysqa merzimdi kásiptik oqytý toptardyń jınaqtalýyna qaraı júzege asyrylady. Qatysýshylar qalalyq jumyspen qamtý ortalyǵyna kelip, qajetti qujattardy tapsyrýlary qajet. Oqý kýrstarynyń alǵashqy legi sáýir aıynda bastalǵaly otyr. Nátıjesinde 1000-ǵa tarta azamat belgili bir mamandyqty ıgerip, tipti óz kásibin dóńgelete alady. 

Málimetke súıensek, byltyr 1196 adam tehnıkalyq jáne kásiptik oqýdan ótken. Qysqa merzimdi kásiptik oqytýdy 2000-ǵa jýyq azamat  támamdap, kýálikterin alǵan. Nátıjesinde qysqa merzimdi kásiptik oqytýdan keıin 1590 adam jumyspen qamtyldy. 

Qysqa merzimdi kásiptik oqytý boıynsha qosymsha aqparatty +7775 053 39 41 baılanys nómiri boıynsha alýǵa bolady.

Sońǵy jańalyqtar

«Ertis ormany» rezervatynda órt shyqty

Aımaqtar • Búgin, 21:30

Tarıhı jeńiske qol jetkizdi

Tennıs • Búgin, 20:12

Nar tulǵa

Rýhanııat • Búgin, 20:10

Ekpe saldyrý ózekti

Medısına • Búgin, 20:07

Sheteldik basylymnan

Álem • Búgin, 20:02

Arýlarymyz alty júlde aldy

Sport • Búgin, 19:55

Qazaqstanǵa agrobank qajet pe?

Qazaqstan • Búgin, 19:51

Aıtyldy-oryndaldy: Jeti JOO jabyldy

Prezıdent • Búgin, 18:31

Qasıetti aıda qaıyrymdylyq jasady

Aımaqtar • Búgin, 09:20

Poıyz avtokólikti soqty

Oqıǵa • Keshe

ShQO-da mal urylary ustaldy

Aımaqtar • Keshe

Uqsas jańalyqtar