Qytaı jaǵy 2020 jyldyń qorytyndysynda QR men QHR arasyndaǵy temir jol kóligimen júk tasymaldaý kólemi 23% (21,6 mln.tonna) jáne tranzıttik tasymal 22% (7,8 mln. tonna) óskenin habarlady.
Qytaı-Eýropa-Qytaı baǵyty boıynsha konteınerlik tasymaldar 55% artty.
Alaıda, búgingi tańda Shyńjań-uıǵyr avtonomııalyq aımaǵyndaǵy karantındik sharalarǵa baılanysty QHR baǵytynda vagondar uzaq ýaqyt turyp qalýda. Budan basqa, 2020 jylǵy 15 qarashadan bastap Qytaı tarapynan azyq-túlik júkterin (bıdaı, zyǵyr tuqymy, maıly daqyldar tuqymy, kúnbaǵys tuqymy, soıa tuqymy, arpa, shóp, bıdaı uny, bıdaı kebegi, kúnbaǵys maıy) qabyldaý toqtatyldy.
Álemdik pandemııaǵa baılanysty karantındik sharalarǵa baılanysty qazirgi ýaqytta "Qaljat-Dýlaty" jáne "Maıqapshaǵaı-Zımunaı" ótkizý beketteri jumys istemeıdi. "Nur-Joly - Qorǵas", "Dostyq - Alashankoý" jáne "Baqty - Pokıtý"ótkizý beketteri shekteýlermen jumys istep jatyr. Bul jaǵdaı júkterdi avtomobıl kóligimen eki jaqty tasymaldaýǵa keri áserin tıgizdi.
Qytaı jaǵyna "Qaljat - Dýlaty", "Maıqapshaǵaı - Zımunaı" ótkizý beketteriniń jumysyn qaıta jańǵyrtý, sondaı-aq kólik quraldaryn ótkizýdiń qoldanystaǵy tetigin ózgertý arqyly "Nur-Joly - Qorǵas" ótkizý beketterinen avtokólikterdi ótkizý sanyn táýligine 200-ge deıin ulǵaıtý jónindegi máseleni qaraý usynyldy.
