Qazaqstandyqtardyń jeke málimetterin qorǵaý elimizdiń basty mindetteri sanatynda ekeni belgili. Osyǵan oraı sıfrlyq damý, ınnovasııa jáne aeroǵarysh ónerkásibi mınıstrligi jeke derekterdi qorǵaýdy kúsheıtýge qatysty zań jobasyna usynystar qabyldap jatyr. Azamattar óz usynysyn 15 naýryzǵa deıin jibere alady.
«Sıfrly Qazaqstan» memleketik baǵdarlamasy da azamattardyń sıfrlyq saýattylyǵyn arttyryp, halyqty jeke derekterin qorǵaı bilýge tárbıeleıdi. Atalǵan baǵdarlama boıynsha 2018-2022 jyldar aralyǵynda halyqtyń sıfrlyq saýattylyǵy 83 paıyzǵa deıin artýy tıis. 2019 jyly bul kórsetkish 82,1 paıyzdy qurapty. Mundaı kórsetkishpen elimiz BUU-nyń kıberqaýipsizdik reıtınginde 40-orynǵa ıe.
Ranking.kz deregi boıynsha, qańtar aıynda jasalǵan 3 myńnan astam kıber shabýyldardyń 2,7 myńy botnetterge tıesili. Iаǵnı, zııandy baǵdarlamalyq qamtamasyz etý júıesi arqyly kompıýterlerge zııan keltiriledi. Botnet faktisi bir jyl ishinde úsh ese ósip shyǵa kelgen. Qurylǵyny ınternetsiz qaldyrýdyń 176 deregi tirkelipti. Bul da aldyńǵy jylmen salystyrǵanda 69 paıyzǵa kóp. Fıshıng, ıaǵnı, qazaqstandyqtardyń jeke deregin urlaý boıynsha 43 jaǵdaı tirkelgen.
