Jyljymaıtyn múlik naryǵynda baǵanyń ósýine baılanysty bul joly nesıege 18 mıllıon teńge beriledi. Al, paıyzdyq mólsherleme 5 paıyz, bastapqy jarna 10 paıyz bolmaq. Sonymen qatar baǵdarlamaǵa bıyl quqyq qorǵaý organdarynyń qyzmetkerleri de iligip otyr. Páterli bolýǵa nıet bildirgender úshin qujat tapsyrý 31 naýryzǵa deıin jalǵasady.
«2020 jyly «Almaty jastary» baǵdarlamasy aıasynda 1000 páter paıdalanýǵa berildi. Atap aıtqanda, densaýlyq saqtaý salasyna – 316, bilim salasy qyzmetkerlerine – 300, mádenıet salasyna – 107, sport salasyna – 36 baspana berildi. Sondaı-aq, joǵarǵy oqý oryndarynyń qyzmetkerlerine 129 úı jáne áleýmettik sala mamandaryna 30 páter bólinip, BAQ ókilderinen 68 otbasy páterge ıe boldy», dedi qalalyq Turǵyn úı saıasaty basqarmasy basshysynyń orynbasary Ermek Ámirov.
