Ábý-Dabı mádenıet jáne týrızm departamenti elderdiń «jasyl tizimin» jańartty. Endi Qazaqstannan kelgen jolaýshylar Birikken Arab Ámirlikteriniń astanasyna qonǵannan keıin mindetti karantın sharalarynan bosatyldy jáne Ábý-Dabı áýejaıyna kelgennen keıin koronavırýsqa PTR-test tapsyrýy kerek.
Sondaı-aq «jasyl tizimge» Marokko, Saýd Arabııasy, Aýstralııa, Býtan, Brýneı, Qytaı, Grenlandııa, Gonkong, Islandııa, Mavrıkıı, Jańa Zelandııa jáne Sıngapýr kirdi. Bul tizim atalǵan memleketterdiń azamattaryna ǵana emes, sol elderden keletin jolaýshylarǵa da qatysty bolyp otyr.
Ábý-Dabı sheteldik týrısterdi ótken jyldyń 24 jeltoqsanynan bastap kirgizdi, biraq ámirlikke kirý úshin koronavırýstyń aldyn alý sharalary, sonyń ishinde Dýbaıdan kelgender úshin de qatań sharalar qoldanyldy.
