Jıynda Oljas Bektenov Agenttiktiń Qyzylorda oblysy boıynsha departamentiniń jańa basshysyn tanystyrdy. QR Sybaılas jemqorlyqqa qarsy is-qımyl agenttigi Tóraǵasynyń 2021 jyldyń 9 naýryzyndaǵy buıryǵyna sáıkes, Sybaılas jemqorlyqqa qarsy is-qımyl agenttiginiń Qyzylorda oblysy boıynsha departamenti basshysy laýazymyna general-maıor Qanat Qojahmetov taǵaıyndaldy.
О́ńir basshysy Gúlshara Ábdiqalyqova jańadan taǵaıyndalǵan Qanat Qojahmetovti qyzmetimen quttyqtaı otyryp, aldaǵy ýaqytta Memleket basshysymen qoıylǵan mindetterdi birlesip atqarýda jumysyna sáttilik tilep, senim bildirdi.
Qanat Qojahmetov 1965 jyly Almaty qalasynda týylǵan. Ishki ister mınıstrliginiń Qaraǵandy joǵarǵy mektebin jáne Reseı Federasııasy Prezıdenti janyndaǵy memlekettik akademııasyn bitirgen.
Eńbek jolyn ishki ister organdarynda 1987 jyldan bastaǵan.
1987-2009 jyldar aralyǵynda Shyǵys Qazaqstan, Qaraǵandy, Almaty oblystarynda jáne Almaty qalasynyń ishki ister organdarynda, 2009-2018 jyldary ishki ister mınıstrliginde túrli laýazymdyq qyzmetter atqarǵan.
2018 jyldyń qyrkúıek aıynan bastap Qazaqstan Respýblıkasynyń Sybaılas jemqorlyqqa qarsy is-qımyl agenttigine aýysqan.
2020 jyldyń aqpan aıynan bastap osy kezge deıin Sybaılas jemqorlyqqa qarsy is-qımyl agenttiginiń Atyraý oblysy boıynsha departamenti basshysynyń orynbasary qyzmetin atqaryp keldi.
