Halyqtyń tabıǵı qozǵalysy
2021 jylǵy qańtarda respýblıka halqynyń tabıǵı ósimi 2020 jylǵy qańtarmen salystyrǵanda 821 adamǵa nemese 3,6% kemip, 216,8 myń adamdy qurady. Tabıǵı ósimniń jalpy koeffısıenti 1000 adamǵa shaqqanda 13,44 adamdy qurady.
AHAT organdary usynǵan azamattyq hal aktileri jazbalaryndaǵy málimetterdi óńdeý nátıjesinde, 2021 jylǵy qańtarda týylǵandar sany 34,2 myń adamdy qurady, bul 2020 jylǵy qańtarǵa qaraǵanda 0,6% az. Týýdyń jalpy koeffısıenti 1000 adamǵa 21,17 týylǵandardy qurady.
Qarastyrylyp otyrǵan kezeńde qaıtys bolǵandar sany 12,5 myń adamdy qurady, bul 2020 jylǵy qańtarǵa qaraǵanda 5,1% kóp. О́lim-jitimniń jalpy koeffısıenti 1000 adamǵa 7,73 qaıtys bolǵandardy qurady.
2021 jylǵy qańtarda respýblıkada 1 jasqa deıin shetinegen 241 (2020 jylǵy qańtarda–306) náreste tirkeldi. 2020 jylǵy tıisti kezeńmen salystyrǵanda 1 jasqa deıin shetinegen náresteler sany 21,2% azaıdy. 2021 jylǵy qańtarda náreste ólim-jitiminiń koeffısıenti 1000 týǵandarǵa shaqqanda 7,06 (8,90) oqıǵany qurady.
Halyqtyń kóshi-qony
Kóshi-qon qyzmeti organdary usynǵan málimetterdi óńdeý nátıjesinde, 2021 jylǵy qańtarda elimizge turǵylyqty turýǵa kelgenderdiń tirkelý sany 2020 jylǵy sáıkes kezeńmen salystyrǵanda 57,8% azaıyp, 79 290 adamdy qurady. Elimizden ketkenderdiń tirkelý sany 43% azaıyp, 80 199 adamdy, kóshi-qonnyń aıyrymy -909 adamdy qurady.
Elimizdegi negizgi kóshi-qon almasýy TMD memleketterimen ótýde. TMD elderinen kelgenderdiń jáne sol elderge ketkenderdiń úlesi 81,9% jáne tıisinshe 84,8% qurady.
El ishinde qonys aýdaratyn kóship-qonýshylar sany 19,1%-ǵa kemidi. О́ńiraralyq qonys aýdarý boıynsha halyq kóshi-qonynyń oń aıyrymy elimizdiń 4 óńirinde baıqaldy: Mańǵystaý (90 adam) oblysynda jáne Nur-Sultan (2 202 adam), Almaty (3 223 adam) jáne Shymkent (3 060 adam) qalalarynda.
