Birlesken kásiporyndar ashýdyń bereri kóp

B.Sultanov Qyrǵyz Respý­b­lı­­ka­synyń Vıse-premeri – Eko­nomıka jáne qarjy mı­nıstri Ýlýkbek Karmyshakov­pen jáne Aýyl, sý resýrstary jáne óńir­lik damý mınıstri Asqar­­bek Djany­bekovpen, Kólik, sáý­let, qurylys jáne kommý­nıka­sııa mınıstri Gúl­nar Ábdir­alıeva­men, Energe­tıka jáne óner­ká­sip mınıstri Kýbanychbek Týrdý­baevpen taýarlardy ótkizý júıelerin biriktirý perspektıvalaryn talqylady.

«Bul bizdiń memleket­teri­miz­diń azyq-túlik qaýipsiz­digin qam­­ta­masyz etip qana qoımaı, sony­­­men qatar eki eldiń eksport­tyq ále­ýetin aıtar­lyqtaı keńeı­týge múm­kindik beredi», dedi B.Sultanov.

Atap aıtqanda, Saýda mı­nıstr­­liginiń basshysy ótkizý júıe­­lerin sınhrondaý Qazaq­stan men Qyrǵyzstannan Reseı nary­ǵyna taýarlar aǵynyn jeńil­detetinin jetkizdi. «Ult­tyq ta­symaldaý júıesi jumy­sy­­nyń biryńǵaı erejeleri jáne bir­yńǵaı standarttardyń ózara árekettesýin qamtamasyz etý biz­diń taýarlarymyzdy Reseı na­ryǵyna jetkizýde» tar dálizderdi «boldyrmaý­ǵa, jetkizilimdegi úzilister­di boldyrmaýǵa, sondaı-aq maý­symaralyq kezeńde óz na­ryq­­tarymyzdy qanyqtyrýǵa múm­­­kindik beredi», dedi.

Sonymen qatar, qazaqstan­dyq bıznes Qyrǵyzstannyń ta­ýar ótkizý júıesiniń ınfra­qury­lymyn qurýǵa qyzyǵý­shy­lyq bildirdi. Eki el arasyndaǵy saý­­da-ekonomıkalyq ynty­maq­tas­tyqtyń keńeıýine sút jáne aýyl­sharýashylyq ónimderin qaıta óń­deý salasyndaǵy ón­diristik ynty­maq­tastyq yq­pal etedi. B.Sul­tanov bolashaq birlesken saýda-logıstıkalyq ortalyq tujyrym­damasyn qaıta qaraýdy usyndy.

«Biz ónimderdi saqtaı­tyn oryn retinde Taýar logıs­­­tı­ka­­lyq ortalyǵynyń  fýnk­sıo­­nal­­­dyǵymen shekte­lip qal­maı, aýylsharýashylyq ónim­­derin, mysaly kókónis­ter men je­mis­terdi, makaron ónim­­d­erin óń­deıtin birles­ken kásip­­­oryn­dar ashý­dy pysyq­taýdy usy­na­myz. Jeńil óner­kásip­tegi bir­les­­ken jobalar­dyń bola­­shaǵy bar. Mundaı bir­les­ken kásip­oryn­­dar bizge úshinshi elder­diń naryq­taryna birlesip qol jet­kizýge múmkindik beredi», dedi qazaq­standyq delegasııa basshysy.

Sonymen birge, Qazaqstan men Qyrǵyzstanǵa veterınarlyq jáne fıtosanıtarlyq shara­lar boıynsha yntymaqtastyq­­ty jalǵastyrý qajet. Janýar­lar aýrýlarynyń taralmaýyn baqy­laý jáne karantındik obek­tilermen birlesip jumys isteý eksporttyq naryqtarǵa qol jetkizýdi edáýir jeńildetedi. Nur-Sultan qalasy tehnıkalyq regla­mentterdiń talaptaryna sáıkes kelmeıtin jalǵan aýyl­­sharýa­­shylyq ónimderimen kúre­sý úshin kúsh biriktirýge daıyn.

Eki eldiń agroónerkásiptik keshenin oıdaǵydaı damytý úshin trans­she­karalyq ózenderdiń sý resýrstaryn utymdy paıdalanýdy qamtamasyz etý qajet.

B.Sultanov aldaǵy vegeta­sııalyq kezeńde bekitilgen kestege sáıkes memleketaralyq paıdalanylatyn sý sharýashylyǵy nysandaryna sý jetkiziletinine senim bildirdi.

Sonymen qatar, ol qyr­ǵyz tarapyn bıylǵy 2 naýryz­da Qyrǵyz Respýblıkasy Prezı­dentiniń Qazaqstanǵa resmı sapary kezinde qol qoıylǵan elektr energııasyn aıyrbas­taý týraly hattamanyń talap­taryn oryndaýǵa shaqyrdy. Osy hattama eki memleket ara­syn­­daǵy sý-energetıkalyq yn­ty­maq­tastyqty nyǵaıtýdy kózdeıdi.

Energetıka jáne óner­kásip mı­nıstr­liginde ótken ke­lissóz­der barysynda qazaq­standyq dele­­gasııa Qyrǵyz­stan­daǵy qazaq­stan­dyq ınves­tısııalardyń múd­de­lerin qorǵaý taqyrybyn kóter­di. Tarap­tar arnaıy quryl­ǵan ju­mys toby aıasynda barlyq prob­lemalyq máseleni sheshý boıynsha Jol kartasyn ázir­leýge kelisti.