«Bizdegi ákeler «Baqytty otbasy» ortalyǵyna jıi keledi. Olar jumys izdeıdi, mysaly, massaj jasaý, zańger kýrstaryna qatysady, balalaryn psıhologqa aparady. «Bastaý bıznes», «Qoldaý» kýrstarynan dáris alady. «Baqytty otbasy» ortalyǵynda bıyl er-azamattar úshin barbershop kýrsy ótýde», dedi «Baqytty otbasy» qalalyq ortalyǵynyń jetekshisi Zúlfııa Baısaqova.
«Eger paıyzdyq araqatynasta aıtar bolsaq, 10 áıelge 1 er adamnan keledi eken», deıdi «Baqytty otbasy» qalalyq ortalyǵynyń basshysy Zúlfııa Baısaqova.
«Biz bul jyldy jaqsy bastadyq, mysaly shashtaraz bolýǵa suranys kóp, 10 adamnan turatyn toptardy tez jınadyq», dedi ol.
Qalalyq «Baqytty otbasy» ortalyǵynyń jetekshisi kýrsqa qatysýshylar ony bitirgen soń alǵan bilimderin qosymsha tabys tabý úshin paıdalanatynyn túsindirdi.
Eske salsaq, Almatyda kópbalaly jáne az qamtylǵan otbasylarǵa jan-jaqty kómek kórsetý maqsatynda qomaqty sharalar júzege asty. Qalanyń ár aýdanynda «bir tereze» qaǵıdaty boıynsha «Baqytty otbasy» ortalyqtary jumys isteıdi. Búgingi tańda qalada 9 ortalyq jumys isteıdi.
«Búgingi tańda bul áleýmettik qoldaýdyń quqyqtyq, psıhologııalyq keńes berý ǵana emes, máselelerdi sheshýdiń tutas keshenin usyna otyryp, otbasyn júrgizý. Atap aıtqanda, turǵyn úıge kezekke turýǵa kómek kórsetý, AÁK alý, óz balalarynyń densaýlyq jaǵdaıyn qaraý múmkindigi jáne t.b.
Mundaı keshendi tásil otbasy problemalaryn tolyq sheshýge jáne bizdiń mamandardyń keńesi arqyly qıyn ómirlik jaǵdaılardan qalaı shyǵý kerektigin kórsetip, granttar kómegimen bıznesti damytý, jeke kásipkerlik nysanynda bıznes ashý, ishinara jumyspen úıde jumys isteý múmkindigi týraly konsýltasııalary arqyly kómek kórsetýge múmkindik beredi.
Eń bastysy, bul ortalyqtar búgingi tańda is júzinde kómek kórsete otyryp, shaǵyn aýdandardyń turǵyndary kelip, máseleleri sheshiletin ortalyqtarǵa aınaldy», dep tolyqtyrdy Zúlfııa Baısaqova.
