22 naýryzdan 23-ine qaraǵan túni qalanyń joldaryn, trotýarlaryn, alańdary men basqa da qoǵamdyq aýmaqtaryn sanıtarlyq tazalaýǵa 450-den astam arnaıy tehnıka men 100-ge jýyq jol jumysshy jumyldyryldy. Bir táýlik ishinde elordadan 31 myń tekshe metr qar shyǵaryldy.
Búgin, ıaǵnı 23 naýryzda qar kúreýge 960 arnaıy tehnıka men 1700-den astam jol jumysshy jumyldyryldy.
Aıta keteıik, Nur-Sultan qalasynda qar kúreý jumystary keshki jáne túngi ýaqytta qarqyndy júrgiziledi.
Birinshi kezekte, ereje boıynsha joldarda keptelis bolmaýy úshin qozǵalysy óte qarqyndy ýchaskeler tazartylady. Odan ári ortasha qarqyndy ýchaskeler – alańdar, vokzal mańyndaǵy aýmaqtar, trotýarlar jáne t.b. qardan tazartylady.
Jınalǵan qar elordada ornalasqan 11 polıgonǵa shyǵarylady. Polıgondarda baqylaý úshin foto jáne beınekameralar ornatylǵan.
