2 sáýirde azamattardy qabyldaýdy Syrtqy ister mınıstriniń birinshi orynbasary Shahrat Nýryshev bastaıdy. 7 sáýirde - Eńbek jáne halyqty áleýmettik qorǵaý birinshi vıse-mınıstri Akmadı Sarbasov, 8 sáýirde – Bas prokýrordyń orynbasary Erlik Kenenbaev, 9 sáýirde - Aqparat jáne qoǵamdyq damý mınıstri Aıda Balaeva, 13 sáýirde - Qarjy mınıstri Erulan Jamaýbaev, 14 sáýirde - Aýyl sharýashylyǵy birinshi vıse-mınıstri Aıdarbek Saparov, 16 sáýirde - Ádilet vıse-mınıstri Azamat Ámirǵalıev, 21 sáýirde - Bilim jáne ǵylym vıse-mınıstri Sholpan Karınova, 23 sáýirde - Densaýlyq saqtaý mınıstri Alekseı Soı, 28 sáýirde - Ishki ister mınıstriniń orynbasary Arystanǵanı Zapparov jáne 30 sáýirde - Indýstrııa jáne ınfraqurylymdyq damý birinshi vıse-mınıstri Qaıyrbek О́skenbaev azamattardy qabyldaıdy.
Kezdesýge jazylý úshin:
- Call-ortalyq: 8 800 080 4441 (Qazaqstan boıynsha qońyraý shalý tegin);
- WhatsApp: 8 700 800 4441;
- komek@nurotan.kz
Aıta ketý kerek, ótken jyly «Nur Otan» partııasyna búkil el boıynsha 393,2 myńnan astam ótinish túsken. Sonymen qatar sońǵy 5 jyl ishinde partııaǵa 1,2 mıllıon adam júgindi, onyń ishinde 423 myńnan astamy - onlaın formatta. Onyń 92% oń sheshimin tapty, aqysyz konsýltasııalar, zańdyq jáne basqa da kómek kórsetildi.
Taldaý kórsetkendeı, halyqty negizinen áleýmettik qamsyzdandyrý - 30%, TKSh - 16%, turǵyn úı - 15%, eńbek daýlary - 14%, qurylys - 9%, bilim berý - 9%, medısınalyq qyzmet - 7% máseleleri alańdatady.
Partııanyń baspasóz qyzmeti habarlaǵandaı, «Halyqqa kómek» jobasy aıasynda Respýblıkalyq qoǵamdyq qabyldaý bólmesinde zańgerlermen, advokattarmen, medıatorlarmen jáne notarıýstarmen aqysyz konsýltatıvti onlaın kezdesýler uıymdastyryldy. Oǵan tómende kórsetilgen telefon nómirleri arqyly jazylýǵa bolady.
Zańgerler - dúısenbi saǵat 10.00-den 13.00-ge deıin.
Advokattar - seısenbi jáne beısenbi saǵat 10.00-den 13.00-ge deıin.
Medıatorlar - sársenbi jáne juma kúnderi saǵat 10.00-den 13.00-ge deıin.
Notarıýstar - juma kúni saǵat 15.00-den 17.00-ge deıin.
