«Jumys babyna saı úırenýime týra keldi. Sebebi, ózim negizin salyp, jetekshilik etip kele jatqan Qazaq taǵamtaný akademııasy sonaý 1979 jyldyń ózinde álemde alǵashqy bolyp Dúnıejúzilik densaýlyq saqtaý uıymymen yntymaqtastyq aıasynda eńbek etetin ortalyq atandy, al 1997 jyly Birikken ulttar Uıymy ýnıversıtetimen yntymaqtastyq ortalyǵy boldyq. Atalǵan uıymdarmen birge kóptegen halyq úshin áleýmettik mańyzdy medısınalyq-demografııalyq ǵylymı-zertteý jumystaryn atqardyq.
Osylaısha, túrli issaparlar barysynda, kelgen delegasııalarmen tildesý qajet bolǵandyqtan, men aǵylshyn tilin bir adamdaı meńgerýge muqtaj boldym. Mysaly, 2005 jyly DDU Assambleıasynyń minbesinen, barsha álemdik medısınalyq qaýymdastyqtyń aldynda aǵylshyn tilinde sóz sóıledim. Túrli alqaly jıyndardy aǵylshyn tilinde basqaryp, sheteldik áriptestermen erkin sóılese alamyn.
Toqsandy alqymdaǵan meniń shet tilin meńgerip alǵandyǵymdy kórgen jastardyń da til úırenýge, bilim-ǵylymǵa degen qulshynysy zor bolýy tıis degen oıdamyn», dedi Tóregeldi Sharmanuly .
