Qoǵam • 06 Sáýir, 2021

Nur Otan qazaqstandyqtardyń túıindi máselelerin baqylaýǵa aldy

101 ret kórsetildi

«Nur Otan» partııasy 3 aı ishinde partııalyq baqylaý komıssııasynyń 624 otyrysyn ótkizip, onda 1918 másele qaraldy. Olardyń arasynda áleýmettik turǵyn úı berý kezindegi zań buzýshylyqtar, partııalyq etıkany saqtamaý, jataqhanalardyń sapasyz salynýy jáne t.b. kóptegen túıindi máseleler bar, dep habarlaıdy Egemen.kz.

Partııa baspasóz qyzmetiniń málimetinshe, azamattardyń ótinishteri negizinde myńnan astam túrli reıdter de uıymdastyrylǵan.

Máselen, Jezqazǵan qalasynda páterdi zańsyz bergeni úshin birden úsh sheneýnik «Nur Otan» partııasynyń qatarynan shyǵaryldy. Jaqynda ótken prokýrorlyq tekserý kórsetkendeı, toǵyz otbasy «Nurly Jer» baǵdarlamasy boıynsha zańsyz túrde baspanaly bolǵan. Bul jaǵdaıdy Qaraǵandy oblystyq partııalyq baqylaý komıssııasy baqylaýǵa aldy. Páter kiltteri qalalyq TKSh basqarmasynyń úsh qyzmetkeriniń dostary men tanystaryna tapsyrylǵany anyqtaldy. Barlyq toǵyz otbasy sot sheshimi boıynsha páterlerdi bosatty. Endi olardyń ornyna baspanaǵa shyn muqtaj adamdar qonystanatyn bolady.

Almatyda partııa músheleri jeke qorǵanysh quraldaryna qatysty medısına qyzmetkerleriniń aıla-sharǵyǵa barýy múmkin jaǵdaıdyń jolyn kesti. Buǵan deıin qoǵam belsendileri №4 qalalyq jedel járdem bóliminen esepke alynbaǵan obaǵa qarsy jıyntyqtar, qorǵanys ekrandary, bir rettik kózildirikter saqtalǵan qoımany tapqan edi. Qoımadan tabylǵandardyń barlyǵy gýmanıtarlyq kómek aıasynda kelgen. Bul jaǵdaıdy «Nur Otan» partııasynyń qalalyq fılıaly jedel baqylaýǵa aldy.

«Anyqtalǵan zań buzýshylyq faktisi boıynsha Almaty qalasynyń Jedel medısınalyq kómek qyzmetiniń basshylyǵyna tártiptik keńes ótkizý usynyldy», - dep atap ótti partııalyq baqylaý komıtetiniń tóraǵasy Artýr Platonov.

Al Aqtóbe qalasynydaǵy jataqhanalardyń biriniń turǵyndary 45 mln.teńge jumsalyp júrgizilgen kúrdeli jóndeýden keıin de ǵımarattyń qulaýǵa jaqyn turǵanyna shaǵymdandy. Buǵan jaýap retinde merdiger kompanııa PIK tóraǵasy men turǵyndardyń birazy qabyldaý aktisine qol qoıǵanyn jáne ol kezde eshqandaı kemshilikterdi baıqamaǵanyn alǵa tartty. Bul máselege qalalyq partııalyq baqylaý komıssııasy aralasty. Sonymen, úıge júrgizilgen tekserý jumystary káriz qubyrlary men jýynatyn bólmelerde olqylyqtar bar ekenin kórsetti. Nurotandyqtar Aqtóbe ákimdigine barlyq anyqtalǵan kemshilikterdi joıýǵa jáne aqaýlarǵa qatysty aktini 10 sáýirge deıin usynýǵa keńes berdi.

Qyzylordada oblystyq máslıhat depýtaty Baqdáýlet Maqashov saltanatty is-shara ótkizgen. Sanıtarlyq-epıdemıologııalyq talaptardyń buzylýyna qatysty «Nur Otan» partııasy jedel áreket etip, ony Qyzylorda oblystyq partııalyq baqylaý komıssııasynyń tóraǵasy qyzmetinen bosatty.

Partııanyń baspasóz qyzmetinde atap ótkendeı, ótken jyly Partııalyq baqylaý komıteti men komıssııalary jeke jáne zańdy tulǵalardyń 1150 ótinishin qaraǵan. 100-den astam rezonanstyq másele oń sheshimin tapty, ortalyq jáne jergilikti atqarýshy organdarǵa 220-dan astam usynym engizdi.

2020 jyly partııalyq jaýapkershilikke 400-den astam adam tartylsa, olardyń qatarynda birqatar vıse-mınıstrler, oblys ákimderiniń orynbasarlary, máslıhattardaǵy fraksııalar basshylary jáne t.b. bar. Olardyń ishinde túrli zań buzýshylyqtarǵa jol bergeni úshin 100-den astam adam partııadan shyǵaryldy.

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar