Qoǵam • 08 Sáýir, 2021

Nur Otan qazaqstandyqtardyń kez kelgen ótinishine qulaq asady

43 ret kórsetildi

Jyl basynan beri «Nur Otan» partııasynyń qoǵamdyq qabyldaý bólmelerine 43 myńnan astam ótinish túsken. Olardyń ishinde erekshe qajettilikteri bar azamattar úshin qoljetimdi orta jasaý, kópbalaly jáne az qamtylǵan otbasylarǵa áleýmettik kómek kórsetý, eńbek quqyqtarynyń buzylýy sekildi máseleler bar, dep habarlaıdy Egemen.kz.

«Nur Otan» partııasynyń baspasóz qyzmetiniń málimetinshe, partııa kishigirim ótinishterdiń ózinen bas tartpaı, turǵyndardyń barlyq suranystaryn sheshýge kómektesedi.

Máselen, Shyǵys Qazaqstan oblysy Borodýlıha aýdanynyń turǵyny «Nur Otan» partııasyna otbasyn ajyrasýdan saqtap qalýdy surap, ótinish bildirgen. О́z kezeginde partııanyń qoǵamdyq qabyldaýynda zańgerler men medıatordyń tegin qyzmetteri usynyldy. Nátıjesinde erli-zaıyptylar tatýlasty.

Atyraý oblysynda nurotandyqtar er adamǵa jumys tabýǵa kómektesti. Jubaıynan aıyrylyp, eki balasymen jalǵyz qalǵan ol pandemııaǵa baılanysty jumystan da shyǵyp qalǵan. Turǵyn «Nur Otan» partııasynyń Jylyoı aýdandyq fılıalyna kelip, bos jumys oryndaryn izdeýge kómek kórsetýdi surady. Nátıjesinde partııalyqtar oǵan avtobýs júrgizýshisi bolyp jumysqa turýǵa kómektesti.

Almaty oblysynda Qarasaı aýdany Áıteı aýylynda turatyn zeınetker Maral О́misheva 5 jyl boıy jergilikti bılik organdarynan úıiniń janyndaǵy joǵary kerneýli elektr kolonkasyn ýchaskeden tys jerge shyǵarýǵa kómek surap kelgen. Zeınetker osy másele boıynsha «Nur Otan»-nan kómek surap kelip, partııanyń aralasýynan keıin ǵana másele oń sheshimin tapty.

Tarazda partııa ókilderi I toptaǵy múgedek Raýan Raýylbekovke áleýmettik járdemaqy boıynsha 3 aılyq qaryzyn alýǵa kómektesti. Bul jaǵdaı onyń qajetti qujattardy ýaqytynda tapsyrǵanyna qaramastan oryn alǵan.

«Partııaǵa kelmes buryn máselemdi alǵa tartyp, ártúrli deńgeıdegi 5 mekemeniń ókilderine birneshe ret bardym. Biraq odan eshqandaı nátıje bolmady. Sosyn áleýmettik jeliden «Nur Otan» partııasynyń qoǵamdyq qabyldaý bólmesi bar ekeni jáne onda azamattardy túrli deńgeıdegi basshylardyń qabyldaıtyny týraly habarlandyrýdy kezdeısoq kózim shalyp qaldy. Osylaısha, 3 aıdan astam ýaqytqa sozylǵan máselemdi 3 kúnde sheship berdi», dedi Raýan Raýylbekov.

Sonymen qatar «Nur Otan» belsendileri qys boıy zeınetkerlerge, ardagerlerge jáne erekshe qajettilikteri bar adamdarǵa aýlalardy qardan tazalaýǵa, al kóktem shyqqaly jeke úı-jaılarynyń mańyn erigen qar sýynan arshýǵa kómektesti.

О́tken jyly «Nur Otan» qoǵamdyq qabyldaýyna 393 myńnan astam ótinish tústi. Bul rette 5 jyl ishinde partııaǵa 1,2 mln adam júginse, onyń 423 myńnan astamy – onlaın-formatta. Olardyń 92% oń sheshimin tapty, tegin konsýltatıvtik, quqyqtyq jáne ózge de kómek kórsetildi.

«Halyqqa kómek» jobasy aıasynda zańgerlermen, advokattarmen, medıatorlarmen jáne notarıýstarmen tegin konsýltatıvtik onlaın-kezdesýler uıymdastyryldy. Sondaı-aq, otbasy, áıelder jáne balalardyń quqyqtaryn qorǵaý jáne turmystyq zorlyq-zombylyqqa qarsy is-qımyl máseleleri boıynsha «111 shuǵyl qyzmeti» arnaıy baılanys ortalyǵy iske qosyldy.

Sońǵy jańalyqtar

Agrosalada ilkimdi ister kóp

Aımaqtar • Keshe

«Aıqaıdyń» astary

О́ner • Keshe

Baıron uıyǵy

Ádebıet • Keshe

Berikqara shatqalyndaǵy baılyq

Ekologııa • Keshe

Qasteev qazynalary

О́ner • Keshe

«Balapan qazdyń» tarıhy

О́ner • Keshe

Abaı kúni atalyp ótti

Abaı • Keshe

Kún gúli

Tanym • Keshe

Uqsas jańalyqtar