Qoǵam • 09 Sáýir, 2021

Qazaqstannyń Qarýly Kúshterinde baqylaý tekserisi ótip jatyr

18 ret kórsetildi

Áskerlerdiń jaýyngerlik jáne jedel daıarlyq deńgeıin jetildirýge baǵyttalǵan baqylaý tekserisi Qazaqstannyń áskeri  úshin 2021 jylǵy qysqy oqý kezeńiniń negizgi emtıhany bolmaq, dep habarlaıdy Egemen.kz Qorǵanys mınıstrliginiń baspasóz qyzmetine silteme jasap.

 

Tekserý is-sharalarynyń basty maqsaty – jaýyngerlik daıarlyqtyń naqty jaǵdaıyn anyqtap, qolbasshylyqqa bólimderdiń jaýyngerlik ázirligin jetildirýde is júzinde kómek kórsetý.

Bólimder men bólimshelerdiń áskerı qyzmetshileri taktıkalyq, arnaıy, atys, dene shynyqtyrý, memlekettik-quqyqtyq daıarlyq, áskerı topografııa jáne basqa da oqytýdyń negizgi pánderinen emtıhan tapsyrady.

- Qysqy oqý kezeńinde qazirgi zamanǵy qarýly qaqtyǵystardyń tájirıbesin zerdeleýge jáne taldaýǵa kóp kóńil bólindi. Áskerlerdiń dalalyq daǵdysyn jetildire otyryp, áskerı basqarý bólimsheleri men organdarynyń taktıkalyq býynyn úılestirý arqyly, biz áskerlerdi maqsatqa saı qoldaný úshin praktıkada jaýyngerlik oqýdyń jańa nysandary men ádisterin qoldandyq, sondaı-aq, jaýyngerlik is-qımyldardy daıyndaý jáne júrgizý máselelerin zerttedik. Atalmysh, baqylaý tekserisi komandırler jumysynyń nátıjesin qorytyndylap, álsiz jerlerdi anyqtaýǵa jáne is júzinde qoldaýǵa kómektesedi, - dedi Qurlyq áskerleri bas qolbasshysynyń jaýyngerlik daıarlyq jónindegi orynbasary general-maıor Dáýlet Ospanov.

Bul rette, komıssııalar áskerı daıarlyqty uıymdastyrý máselelerin jan-jaqty tekserip, áskerı bólim basqarmasynyń jáne bólimshelerdiń jaýyngerlik daıarlyq deńgeıin baǵalaıdy.

Barlyq baqylaý is-sharalary tekserý kezinde sanıtarlyq-epıdemıologııalyq talaptardy saqtaı otyryp júrgiziledi. Qarýdy qoldaný arqyly jaýyngerlik oqý-jattyǵý mindetterin júrgizý kezinde qaýipsizdik talaptaryn múltiksiz saqtaýǵa erekshe nazar aýdarylady.

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar