Qoǵam • 14 Sáýir, 2021

Bıyl 133,3 myń adam «Eńbek» baǵdarlamasymen jumysqa ornalasty

25 ret kórsetildi

1 sáýirdegi jaǵdaı boıynsha 157,9 myń adam  Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasynyń qatysýshylary boldy. 133,3 myń adam jumysqa ornalastyryldy, onyń 51,2 myńy – turaqty jumysqa ornalasty, dep habarlaıdy Egemen.kz Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

Baǵdarlamanyń birinshi baǵyty aıasynda qysqa merzimdi kýrstarǵa 1,9 myń adam jiberildi.

О́z isin ashý úshin 3,9 myń adam memlekettik granttar aldy.

Sýbsıdııalanatyn jumys oryndaryna 84,4 myń adam jumysqa ornalastyryldy, onyń ishinde: áleýmettik jumys oryndaryna 11,6 myń adam; jastar praktıkasyna – 7 myń adam; qoǵamdyq jumystarǵa – 65,8 myń adam.

Eńbek resýrstarynyń utqyrlyǵy sheńberinde 278 otbasy nemese 925 adam qonys aýdardy, onyń ishinde 448 adam eńbekke qabiletti jasta. Eńbekke qabiletti 267 adam jańa turǵylyqty jerde turaqty jumys oryndaryna ornalastyryldy jáne 25 adam kásipkerlik qyzmetpen aınalysady.

Esterińizge sala keteıik, 2020 jyly «Eńbek» memlekettik baǵdarlamasyna 649 myń adam qatysty. 437,3 myń adam jumysqa ornalastyryldy, onyń 319,2 myńy turaqty jumysqa turdy.

Jappaı kásipkerlikti damytýǵa 12,7 myń mıkrokredıt jáne jańa bıznes-ıdeıalardy iske asyrýǵa 44,9 myń memlekettik qaıtarymsyz grant berildi.

Qysqa merzimdi oqytý kýrstaryna 18,7 myń adam jiberildi, al TjKB uıymdarynda oqytýmen 18,4 myń adam qamtyldy.

Budan basqa eńbek resýrstarynyń utqyrlyǵyn arttyrý sheńberinde jumys kúshi artyq óńirlerden quramynda 5,8 myń adamy bar 1,8 myń otbasy qonys aýdardy.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar