Saqtaǵan Sádýaqasov eńbek jolyn 2004 jyly Astana qalasy Ishki saıasat departamentiniń taldaý jáne monıtorıng bóliminiń mamany laýazymynan bastady, onda 2009 jylǵa deıin jumys istedi.
2009 jyldan bastap Memlekettik qyzmet isteri agenttiginiń qurylymynda jumys istedi. Sondaı-aq ár jyldary Nur Otan partııasynyń ortalyq jáne qalalyq fılıalynda túrli laýazymdarda, onyń ishinde Nur Otan partııasy Ortalyq apparatynyń Qoǵamdyq qabyldaý bóliminiń meńgerýshisi bolyp jumys istedi.
Saqtaǵan Sádýaqasov merıtokratııa qaǵıdatyna sáıkes mamannan bastap basshylyq laýazymdarǵa deıingi joldan ótti. Nur Otan partııasy elordalyq fılıalynyń tóraǵasy, elorda ákimi Altaı Kólginov Saqtaǵan Sadýaqasovtyń aldyna partııanyń 2021-2025 jyldarǵa arnalǵan saılaýaldy baǵdarlamasyn tabysty iske asyrý boıynsha birqatar mindet qoıdy.
Baǵdarlamaǵa 13 negizgi basym baǵyt kirdi: jeńildikti qoljetimdi turǵyn úı, oqý oryndary, medısınalyq ortalyqtar salý, gazdandyrýdy júrgizý, turǵyn úı alaptaryn, jol-ınjenerlik ınfraqurylymyn damytý, ShOB-ty qoldaý jáne t.b.
