15 Sáýir, 2021

Vaksına saldyrǵandar qaıtadan koronavırýs juqtyrýda

5306 ret kórsetildi

Covid-19-ǵa qarsy vaksına saldyrǵandar qaıtadan vırýs juqtyryp jatyr. Bul týraly Densaýlyq saqtaý mınıstrliginiń sanıtarlyq-epıdemıologııalyq baqylaý komıteti resmı saýalǵa bergen jaýabynda aıtty, dep  habarlaıdy Egemen.kz  Tengrinews.kz saıtyna silteme jasap.

«Qazirgi tańda vaksınadan keıin (birinshi jáne ekinshi kezeń) koronavırýs ınfeksııasyn juqtyrǵan 16 jaǵdaı tirkeldi. Vaksınadan keıin vırýs juqtyrýdyń eń uzaq merzimi ekinshi komponentin saldyrǵannan keıingi tórtinshi aptada tirkelgen», dedi komıtet ókili. 

Vedomstvo koronovırýs ınfeksııasyna qarsy ımmýnıtet vaksınanyń ekinshi kezeńin alǵan ýaqyttan bastap alty aptadan keıin qalyptasa bastaıtynyn aıtty.

Osyǵan deıin almatyda vaksına saldyrǵan dáriger vırýs juqtyrǵanyn habarlaǵan edi. Alaıda ol juqtyrý qaýpi bar ekenin bilgenin jáne de aldaǵy ýaqytta vaksınanyń ekinshi kezeńin de qabyldaıtynyn aıtqan.

Medısına doktory, bıolog jáne Medsupportkz basshysy Botagóz Kaýkenovanyń aıtýynsha, adam vaksınasııadan keıin, vaksınasııa salynǵan kúni de koronavırýs juqtyryp alýy múmkin.

«Vaksınada antıdeneler joq. Olardy vaksınaǵa jaýap retinde sizdiń aǵzańyz jasaıdy. Antıdeneler jasaý úshin denege ýaqyt qajet. Bul ádette 2-3 aptaǵa sozylady. «Spýtnık V» birinshi dozasynan keıin 3 aptadan keıin ekinshi dozany saldyrý kerek. Odan keıin 2-3 aptadan soń denede antıdenelerdiń jaqsy deńgeıi paıda bolady», dep túsindirdi ol.

Gaýhar QAPASh


Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar