16 Sáýir, 2021

«ArselorMıtal» memleketke 1 mlrd teńgeden astam shyǵyn keltirgen

20 ret kórsetildi

Aǵymdaǵy jyldyń naýryz aıynda «ArselorMıttal Temirtaý» AQ konvertorlyq sehynda lastaýshy zattardyń apattyq jappaı shyǵarylý faktisi boıynsha osy kásiporynǵa jospardan tys tekserý júrgizildi, dep habarlaıdy Egemen.kz Ekologııa mınıstrliginiń baspasóz qyzmetine silteme jasap.

Aqpan aıynyń sońynda áleýmettik jelilerde zaýyttan qyzǵylt tútinniń shyǵyp jatqandyǵy týraly beıne paıda boldy, al Qaraǵandy oblysy boıynsha ekologııa departamenti atmosferaǵa lastaýshy zattar shyǵarýdyń ruqsat etilgen normalarynan eleýli asyp ketkendigi tirkelgendigin esterińizge sala keteıik.

Máselen, tekserý barysynda Qaraǵandy oblysy boıynsha ekologııa departamentiniń tekserý komıssııasy «Arselor Mıttal Temirtaý» AQ kásipornymen bólinetin gazdardy ustaý jáne tazartý júıesin paıdalaný qaǵıdalary buzylǵanyn anyqtady. Tekserý barysynda, bul buzýshylyq tehnologııalyq jabdyqtyń qanaǵattanǵysyz jaı-kúıinen týyndaǵany dáleldendi. Osyǵan baılanysty, №2 konverter aǵymdaǵy jyldyń mamyr aıyna deıin kúrdeli jóndeýge toqtatyldy.

Zaýytty muqııat tekserý zaýyttyń segiz sehy boıynsha júrgizilgenin atap ótken jón. Ár túrli normatıvterdiń buzylýy men asyp ketýi olardyń jeteýinde: bý aıdaý, №2 tabaqsha metaldy ılemdeý, aglomerasııalyq, kokstyq, sondaı-aq ák kúıdirý sehtarynda, ottegi-konverterlik jáne kómir daıyndaý sehtarynda anyqtaldy.

 Joǵaryda atalǵan barlyq faktiler men ekologııalyq talaptardyń tıisinshe oryndalmaýy QR Ekologııalyq kodeksiniń 69-baby 3-tarmaǵynyń buzylýyna ákep soqty, onda «Tabıǵatty paıdalanýshylar qorshaǵan ortaǵa emıssııaǵa ruqsatta kórsetilgen sharttardy oryndaýǵa mindetti jáne olardy saqtamaǵany úshin Qazaqstan Respýblıkasynyń zańdaryna sáıkes jaýapty bolady» delingen.

Búgingi kúni, júrgizilgen tekserý qorytyndysy boıynsha «Arselor Mıttal Temirtaý» kásipornyna aıyppul salyndy. Budan basqa, kásiporynǵa somasy shamamen 1 mlrd.teńgeden asatyn zalaldy óteý týraly nusqama jiberildi ( - qazirgi ýaqytta zalaldy baǵalaýdy esepteý boıynsha jumystar áli de júrgizilýde).

Esterińizge sala keteıik, kásiporynnyń vıse-prezıdenti Vıdjaı Goıal aldaǵy tórt jylda shyǵaryndylar kólemin kem degende 30 paıyzǵa azaıtýǵa, olardy avtomattandyrýdy qamtamasyz etýge jáne úsh jyl ishinde Temirtaý qalasynda 500 myń aǵash otyrǵyzýǵa ýáde bergen bolatyn.

Gaýhar QAPASh

Sońǵy jańalyqtar

Shubaıqyzyl qyzǵaldaǵy

Tanym • Búgin, 00:16

Tán tunshyǵýly, jan shyńǵyrýly

Ádebıet • Búgin, 00:11

Tereńdik taǵylymy

Ádebıet • Búgin, 00:06

Syrdyń sáni – sekseýil

Aımaqtar • Búgin, 00:04

Qasym súıgen Saqypjamal

Rýhanııat • Keshe

Qazandaǵy atys

Álem • Keshe

Kenbaev keńistigi

О́ner • Keshe

Baıyrǵy qazaq beınesi

О́ner • Keshe

Elbasy Túrkistanǵa keldi

Elbasy • Keshe

Dollar baǵasy ósti

Ekonomıka • Keshe

Uqsas jańalyqtar