Kelissózder barysynda temirjol ındýstrııasynyń álemdik kóshbasshysynyń ókilderi Nur-Sultandaǵy elektrovozdar shyǵaratyn zaýyt toptyń jahandyq strategııasynda mańyzdy orynǵa ıe ekenin atap ótti. E. Deleonnyń aıtýynsha, bul nysannyń ereksheligi yntymaqtastyq jyldaryndaǵy iri ınvestısııalardan bólek, tehnologııalar transfertiniń júzege asyrylyp, óndiristiń bir bóligi lokalızasııalanyp, jergilikti kadrlardy oqytý múmkindiginde. Jalpy, zaýyt 500-den astam jumys ornyn qamtamasyz etedi.
Otandyq dıplomat suhbattasýshylarǵa «jasyl» tehnologııalar Fransııamen strategııalyq áriptestigimizdiń basym baǵyttarynyń qatarynda ekenin aıtyp, jaqynda Fransııada paıdalanýǵa berilgen sýtegimen júretin poıyzdardy paıdalanýdy qosa alǵanda, ekologııalyq taza kólikti damytý perspektıvasyn atap ótti. Mundaı quramdardyń derbestigi 1000 km-den asýy múmkin, bul Qazaqstandaǵy sııaqty joldardyń uzyn ýchaskeleri úshin ózekti.
Sondaı-aq, J. Ǵalıev Alstom-ǵa Qazaqstandaǵy krýızdik poıyz jobasyna qatysý ıdeıasyn qarastyrýdy usyndy.
Kezdesý sońynda F. Dellıor Alstom-nyń elimizben uzaq merzimdi yntymaqtastyqqa daıyndyǵyn atap ótti.
