Mańǵystaý oblysynda «Qalqan-2021» oqý-jattyǵýy aıaqtaldy

Qorǵanys mınıstri general-leıtenant Nurlan Ermekbaev, Ulttyq qaýipsizdik komıteti shekara qyzmetiniń dırektory general-leıtenant Darhan Dilmanov, Ulttyq ulannyń Bas qolbasshysy general-leıtenant Rýslan Jaqsylyqov oqý-jattyǵý tásilderiniń oryndalýyn baqylady.

Negizgi is-qımyl, oqý-jattyǵýdyń josparyna sáıkes shekara mańyndaǵy aýdanda bastaldy. Alǵash ret memleket aýmaǵyn kúzetý boıynsha shekara qyzmetteri men Qarýly Kúshterdiń bólimsheleri birlesken is-qımyldy is júzinde pysyqtady. Sondaı-aq quramynda arnaıy operasııalar Kúshteri bar birlesken ásker toptary quryldy. Áskerlerdiń is-qımyly kezinde zamanaýı qarýly qaqtyǵystar tájirıbesi keńinen qoldanyldy.

Bul oqý-jattyǵýdyń ádis-tásilderiniń ereksheligi Kaspıı teńiziniń jaǵalaýynda arnaıy operasııalar kúshteri quralymdarynyń tolassyz jasaǵan is-qımylynda kórindi.

Áskerı qyzmetshiler ottegi jabdyǵyn paıdalana otyryp, jerden asa bıik emes aralyqta parashıýtpen desant túsirdi. Bul sekirýler joǵary dáldikpen oryndalyp, ári qaraı aýmaqta barlaý júrgizdi.

Birqatar taktıkalyq is-qımyldar alǵash ret oryndaldy.

Utqyr toptardan desant túsirýde olardyń odan ári jasaıtyn is-qımyldaryna tehnıkany (kvadrosıklderdi) jetkizý áskerı avıasııa tikushaqtarynyń syrtqy ilmekteri arqyly júzege asyryldy.

Áskerı-teńiz kúshteriniń zymyran-artıllerııalyq kemeleriniń qoldaýymen bir ýaqytta áskerı júzgishter sý ústi jáne sý asty tásilderimen teńiz jaǵasyndaǵy plasdarmdy basyp aldy. 

Jaýyngerlik is-qımyldardy júrgizý kezinde arnaıy operasııalar kúshteriniń jaýyngerleri 2020 jyldan bastap áskerlerdiń jaýyngerlik daıarlyq baǵdarlamasyna engizilip jatqan armııalyq taktıkalyq atys tásilderin qoldandy.

Alǵash ret turaqty negizde áskerı-kólik avıasııasynyń ushaǵyn qondyrý úshin kólik jolynyń áýeaılaq ýchaskesi qoldanyldy. Olar jeke quramdy daǵdarys aýdandaryna jetkizdi.

Shabýyldaýshy avıasııa men artıllerııany qoldanyp, teńiz jaıaý áskerleriniń bólimsheleri zańsyz qarýly quralymdardyń ishki jaqqa ótýine jol bermedi.

Qarsylastyń ushqyshsyz ushý qurylǵylary anyqtalyp, olar radıoelektrondy barlaý jáne kúres quraldarynyń kómegimen joıyldy.

Áýeden qonǵan shabýyldaýshy toptar shartty qarsylasty qaptaldan qorshap, olardy mehanıkalandyrylǵan bólimsheler joıdy.

Qorǵanys is-qımyldaryn qoldanǵan kezde  «Saq qorǵany» dep atalǵan taktıkalyq is-qımyl pysyqtaldy.

Bul shóldi jerlerde qarsylastan tasa bolatyn birneshe úımekterin (qorǵandaryn) atys pozısııasy retinde qoldanylatyn jabdyqtardy qarastyrady. Qosymsha bekiniste turǵan tank ushqyshsyz ushý apparatynyń operatorynan basqaý pýnktinde qarsylas jóninde málimet alyp, anyqtalǵan nysandarǵa oq jaýdyrtady.  Odan keıin, áskerı kólik tasaǵa tyǵylyp, jańa nusqaýlardy kútedi. Bul taktıkalyq ádis qarsylastyń atysynan tanktiń zardap shegýin tómendetýge, sonymen qatar, anyqtalǵan nysandardy zaqymdaýdyń tıimdiligi men oılamaǵan jerden oryndalýyna múmkindik beredi.

Qorǵanys mınıstri oqý-jattyǵýǵa qatysýshylardyń is-qımylyna joǵary baǵa berdi. Áskerı qyzmetshilerge oqý-jattyǵý barysynda alǵan tájirıbeleriniń nátıjelerin áskerlerge engizý jáne qoldaný qajet ekenin atap ótti.