Kelissózderge sondaı-aq, Armenııa, Belarýs, Qazaqstan, Qyrǵyzstan, Reseı, Tájikstan elderiniń múddeli mınıstrlikteri men vedomstvolarynyń, Ujymdyq qaýipsizdik týraly shart uıymynyń hatshylyǵy men Birikken shtabynyń ókilderi qatysty.
QR Qarýly Kúshteri Bas shtabynyń Strategııalyq josparlaý departamentiniń bastyǵy general-maıor Marat Aımashev qazaqstandyq delegasııany basqardy.
Kelissózder barysynda taraptar «Izdeý-2021» oqý-jattyǵýyn barlaý kúshteri jáne quralymdarymen, «Eshelon-2021» materıaldyq-tehnıkalyq qamtamasyz etý kúshterimen jáne quraldarmen, «О́zara is-qımyl-2021» UQShU-nyń jedel den qoıý qurylymdyq kúshterimen, «Myzǵymas baýyrlastyq-2021» UQShU-nyń bitimgerlik kúshterimen jáne Ortalyq Azııa óńirlerinde Ujymdyq jedel óristetý kúshteriniń bólimshelerimen, «Shep-2021» oqý-jattyǵýlaryn ótkizý jáne uıymdastyrý máselelerin talqylady.
Oqý-jattyǵý Qyrǵyzstan, Reseı, Tájikstan aýmaqtarynda ótedi. Is-sharalardy oryndaý tártibi men ótkizý merzimi epıdemıologııalyq jaǵdaıǵa baılanysty ózgerýi múmkin.
Budan ózge, kelissózderge qatysýshylar UQShU ujymdyq qaýipsizdik aýdandarynda áskerı qaýip-qaterler máselesin talqylady. Shartqa qol qoıýshy taraptar qaýip-qaterlerdiń aýqymyn jáne olardy beıtaraptandyrýdaǵy úılesimdi birlesken is-qımyl qajettigi týraly biryńǵaı túsinigin rastady.
