Dırektorlar keńesi qazirgi AIX qarjy dırektory Renat Bekturovtyń 2021 jylǵy 24 mamyrda Astana International Exchange basqarma tóraǵasy bolyp taǵaıyndalatynyn habarlady.
Aıta keteıik, AIX qazirgi tóraǵasy Tım Bennett Dırektorlar keńesiniń tóraǵasy retinde úsh jyldyq merzimge saılandy jáne AIX pen AHQO-nyń kapıtal naryqtaryn damytý jónindegi aǵa keńesshisi retinde jumysyn jalǵastyrady.
«Tım Bennettiń halyqaralyq tájirıbesi men kóshbasshylyq qasıetteri kásipqoılardyń úzdik komandasyn jınaýǵa jáne qysqa merzim ishinde sheteldik jáne jergilikti ınvestorlardyń joǵary klasty ınfraqurylymy men ıntegrasııalanǵan ekojúıesi bar álemdik deńgeıdegi alań bolyp úlgergen bırja qurýǵa, birneshe ondaǵan lıstıngter ótkizýge jáne ınnovasııalyq ónimderdi iske qosýǵa múmkindik berdi. Biz T.Bennettiń kapıtal naryǵyn damytý jónindegi is-áreketterimizdi odan ári qoldaıtynyna senemiz jáne jas basqarýshy Renat Bekturovqa AIX-ti odan ári damytý mindetin laıyqty atqarýǵa tilektespiz. О́tken jyly Renat Bekturov Prezıdenttik jastar kadr rezervine alyndy, bul onyń Qazaqstannyń bolashaq kóshbasshylarynyń biri retindegi áleýetin kórsetedi», dep pikir bildirdi AHQO basqarýshysy Qaırat Kelimbetov.
Sonymen birge, AIX Dırektorlar keńesiniń tóraǵasy Nurlan Qusaıynov Renat Bekturovtyń AHQO qurylǵan 2016 jyldan beri jumys isteıtinin jáne 2017 jyldan beri – AIX qarjy dırektory ekenin atap ótti. Nurlan Qusaıynov AIX dırektory, Dırektorlar keńesiniń múshesi bolyp qalady.
