Sondaı-aq qaladaǵy №8 emhana qyzmetkerleri «SÝM» saýda ortalyǵyndaǵy jyljymaly egý pýnktinde jumys isteýde. Munda medısına mamandary saýda ortalyqtyń qyzmetkerleri men dúkenge kelýshi azamattarǵa vaksına salýda. Bul is-shara aldaǵy ýaqytta jalǵasady. Endigi kezekte 20 sáýirden bastap «Shymkent Plaza» saýda ortalyǵy men bazarlarda egý pýnkterin ashý josparlanýda.
Aıta keteıik, qoǵamdyq oryndar men arnaıy mekemelerde uıymdastyrylǵan egý pýnkterine kez kelgen qala turǵyny kelip, erikti túrde vaksına saldyrtsa bolady. Ekpeden buryn azamat mindetti túrde saýalnama toltyryp, dárigerdiń tekserýinen ótedi. Qarsy kórsetilimderi bolmasa, kovıdke qarsy vaksına saldyrtýyna bolady.
Búginde qala boıynsha vaksına saldyrý 38 egý pýnktinde júrgizilip otyr. Olar kúndelikti saǵat 08:00-den 22:00-ge deıin jumys isteýde.
