Elimizde múgedektigi bar 600 myńnan astam adamnyń (eresek) arasynda jumys isteıtinderdiń sany 85472 adamdy quraıdy.
«Jumyspen qamtylǵandardyń basym bóligi 3-shi toptaǵy múgedekter, olardyń sany-62012 adam, ekinshi toptaǵy múgedekter -18467 adam, birinshi toptaǵylar-2393. Olardyń ishinde er adamdar-51744, áıel adamdar-33750», dedi Smaıylov.
Alaıda múmkidigi shekteýli jandardyń zeınet jasyn tómendetý máselesi áli de ózektiligin joǵaltqan joq. Osyǵan oraı bir top májilis depýtaty Premer-Mınıstrdiń orynbasary Eraly Toǵjanovqa usynystaryn jetkizdi.
«Úkimet múgedektigi bar adamdar úshin zeınet jasyn tómendetýdi; Jaýapty ókilettilikter múgedek adamdardyń zeınet jasyn tómendetýdiń naqty ólshemderin ázirleýin; sondaı-aq múmkindigi shekteýli adamdardyń múddelerine saı keletin zeınetaqymen qamsyzdandyrý tetigin qurastyrýdy; Eńbek jáne áleýmettik qorǵaý mınıstrligi Strategııalyq josparlaý jáne reformalar jónindegi agenttiginiń ulttyq statıstıka bıýrosy múgedek adamdar týraly statıstıkalyq derekterdi ázirleýin suraımyz», dedi depýtat Erlan Smaıylov.
Gaýhar QAPASh
