Medısına • 21 Sáýir, 2021

Jandarbek Bekshınniń basy taǵy daýǵa qaldy

1028 ret kórsetildi

Almaty qalasy Sanıtarlyq-epıdemııalyq baqylaý departamentiniń basshysy Jandarbek Bekshın paıdalanýǵa tyıym salǵan jeke qorǵanys quraldary (JQQ) qalaı satyp alynǵan? Tolyq mán-jaıdy vedomstvo basshysynyń orynbasary Ásel Qalyqova baıandap berdi, dep habarlaıdy Egemen.kz

Ásel Qalyqovanyń pikirinshe, vedomstvo taýardy jetkizýshilerden birneshe ret sotta utylyp qalǵan. Mekeme basshylyǵy 90 mln teńgeni keri qaıtarǵysy kelgenimen, bári áýreshilik bolǵan. Sebebi memlekettik organ taýardy qabyldaý kezinde muqııat tekserip almaǵan, sondyqtan mekemeniń aryzy keri qaıtarylǵan.

Keshe, 20 sáýir kúni tikeleı efırde qalanyń bas sanıtary JQQ-nyń qoımasyn kórsetedi. Efır barysynda ol medısınalyq kostıýmder qoldanýǵa tyıym salynǵanyn jáne vırýsqa qarsy kúreste múldem qorǵamaıtynyn, kerisinshe epıdemıologter men sanıtarlyq dárigerlerdiń densaýlyǵy úshin qaýipti ekenin túsindirdi.

Sonymen birge J.Bekshın sapasyz jeke qorǵanys quraldaryn satyp alý jaýapkershiligi Ásel Qalyqovaǵa júktelgenin, óıtkeni ol tenderlik qujattarǵa qol qoıǵanyn atap ótti.

Osy oraıda Ásel Qalyqova bas sanıtardyń aıtqan dáıekteri negizsiz ekenin alǵa tartady.

«Birinshiden, QR-da memlekettik satyp alý birneshe jyldan beri «Elektrondy portal» arqyly júzege asyrylyp keledi. Sondyqtan tikeleı qoltańbasy men móri bar eshqandaı qujattar bolmaýy tıis. Ekinshiden, JQQ boıynsha Memlekettik satyp alý QR qoldanystaǵy zańnamasy aıasynda ótti. Sonymen qatar jetkizýshilerden taýardy qabyldaýǵa qatyspadym, ol úshin fýnksıonaldyq mindetterine kiretin laýazymdy tulǵalar anyqtaldy», dep túsindirdi Ásel Qalyqova.

Aıta keteıik, Ásel Qalyqova tenderdi ótkizý jáne taýardy qabyldaý kezinde qaladaǵy Sanıtarlyq-epıdemııalyq baqylaý departamenti basshysynyń mindetin atqarýshy bolǵan. Sol ýaqytta Jandarbek Bekshın qalanyń bas sanıtarlyq dárigeri qyzmetin atqardy, al onyń basshysy resmı túrde keıinirek taǵaıyndaldy.

«Jandarbek Bekshınniń ózi kelissózdi memlekettik satyp alýdy jeńip alǵan jetkizýshilermen júrgizdi. Budan bólek, ol sol ýaqytta jeke qorǵanys quraldarynyń birneshe túrin tańdap alǵan», deıdi Á.Qalyqova.

Al Ásel Qalyqovanyń pikirine atalǵan vedomstvonyń burynǵy basshysy, qazirgi ýaqytta qaladaǵy №27 aýrýhananyń bas dárigeri Aızat Moldagasımova da qosylyp otyr. Ol departamenttiń eks-basshysy Jandarbek Bekshın is júzinde mekemege 2020 jyldyń sáýirinde qalanyń bas sanıtarlyq dárigeri retinde taǵaıyndalǵanyn aıtty.

 

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar