Qazaqstan • 22 Sáýir, 2021

«Azamattyq bastamalardy qoldaý» qory nege orys tilinde jazylǵan jobalarǵa basymdyq beredi?

10 ret kórsetildi

«Azamattyq bastamalardy qoldaý» qory nege orys tilinde jazylǵan jobalarǵa basymdyq beredi? Búgin Ortalyq kommýnıkasııalar qyzmetinde ótken brıfıngte jýrnalıster spıkerlerge osyndaı saýal joldady.

Aqparat jáne qoǵamdyq damý vıse-mınıstri Bolat Tilepovtyń habarlaýynsha, búginde qazaq tildi úkimettik emes uıymdar sany men sapasyn kóterý boıynsha jumystar qolǵa alynyp jatyr.

«Qazaq tildi ÚEU belsendi azamattar óte kóp, jekelegen tulǵalar bar, osy tulǵalardyń aınalasynda áleýmettik mańyzy zor ártúrli máselelerdi kóteretin ÚEU kóbeıtýimiz kerek. Mysaly, bıyl Azamattyq batamalardy qoldaý ortalyǵyna 263 ótinish kelip tússe, sonyń 15% ǵana, ıaǵnı 42-si ǵana qazaq tilinde. Sondyqtan qazaq tildi uıymdardyń belsendiligin arttyryp, olardyń osy baǵyttaǵy jumystarǵa belsendi aralasýy úlken mindet», dedi vıse mınıstr óz jaýabynda.

О́z kezeginde, Azamattyq bastamalardy qoldaý ortalyǵynyń basqarma tóraıymy Lıma Dıas oqytý men bilim berý baǵdarlamalaryna basa nazar aýdarylatynyn jetkizdi. Onyń aıtýynsha, ÚEU akademııasy bazasynda aýyldyq jáne qazaqtildi ÚEU men azamattyq belsendilerdiń quzyrettiligi men biliktiligin arttyrý kýrstary ashylady. Basqarma tóraıymy bul qazaqtildi ÚEU-ǵa, sondaı-aq óz jumysyn endi bastaǵan ÚEU-ǵa qalalardaǵy uıymdarmen, onyń ishinde orys tilinde biliktilikti arttyrý boıynsha kóptegen trenıngterge qatysqan uıymdarmen básekege túsýge múmkindik beretinine úmitin bildirdi.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar