Aqmola oblysy boıynsha QAJD Jaqsy aýdanynyń probasııa qyzmetiniń esepte turǵandarynyń biri QR QK 378-baby 1-bóligi (Bılik ókilin qorlaý) boıynsha qoǵamdyq jumystardyń 80 saǵatyna sottalǵan.
Polısııa bólimine Jaqsy aýylynyń turǵynynan belgisiz bireýler onyń páterine basyp kirýge tyrysqany týraly telefon habarlamasy kelip túsken. Shaqyrýǵa kelgen jedel top bir-birimen janjaldasyp jatqan eki jigitti oqıǵa ornynda kóredi. Aýdandyq polısııa bólimindegi jaǵdaıdy talqylaý barysynda, olardyń biri mas kúıde polısııa qyzmetkerine til tıgize bastaǵan. Toqtatýǵa yqpal jasaǵan polıseıdiń de sózin elemegen. Sol sebepti er adam qoǵamdyq jumysqa tartylǵan.
Esterińizge sala keteıik, aǵymdaǵy jyldyń basynan Aqmola oblysy probasııa qyzmetiniń esebi boıynsha 54 adam qoǵamdyq jumysqa jáne 503 adam májbúrli eńbekke tartylǵan.
Qazirgi ýaqytta Aqmola oblysynyń qalalary men aýyldaryn kórkeıtetin jáne qoǵamǵa paıda ákeletin jergilikti atqarýshy organdardyń qaýlysymen anyqtalǵan obektilerde 22 qoǵamdyq jumysqa sottalǵan jáne 416 májbúrli eńbekke tartylǵandar jazasyn ótep júr.
