QAZVAC vaksınasy eki dozaly vaksına jáne bir ampýla bir adamǵa arnalǵan.
Sonymen qatar otandyq vaksına muzdatýdy qajet etpeıdi, ıaǵnı, ekpe plıýs 2-den 8 gradýsqa deıingi temperatýrada saqtalady. Aıta keteıik, qazirgi tańda elimiz vaksınalar óndirisin iske qosqan jáne vaksınalardy shyǵarýdyń tolyq sıklin ázirleýden bastap qoldanýǵa deıin óz betinshe ıgergen álemniń 10 eliniń qataryna endi. Aıta keteıik, búginde ınfeksııalyq jáne provızorlyq stasıonarlarda tósek-oryn, dári-dármek, ottegi, konsentrator sekildi qajetti qural-jabdyqtardyń barlyǵy jetkilikti.
«Oblys boıynsha qazir ınfeksııalyq stasıonarda 374 naýqas, reanımasııalyq bólimde 44, onyń 28-i qalada, 16-sy aýdandarda em qabyldap jatyr», dedi oblystyq densaýlyq saqtaý basqarmasynyń basshysy Sábıt Pazylov.
Egý qazir №1, 3, 4, 5, 6 jáne «Senim» emhanalarynda, oblystyq keńes berý dıagnostıkalyq ortalyǵynda, «Intertıch» klınıkasynda, Qyzylorda TJ, «ASA» JShS, barlyq aýdandarda jáne Baıqońyr qalasynda júrgizilýde. Oblys boıynsha barlyǵy 32 egý kabıneti, 23 jyljymaly top brıgadasy uıymdastyryldy. Jalpy, vaksınasııalaý jumystary halyqqa qoljetimdi bolýy maqsatynda qosymsha teatr, bazarlar men saýda ortalyqtarynda júrgiziletin bolady.
