Úkimet basshysy Túpqaraǵan aýdanynda sáýir aıynda paıdalanýǵa berilgen «Aqtaý Agro» JShS qus fabrıkasyna bardy. Kásiporynnyń qýattylyǵy jylyna 5 myń tonna taýyq etin quraıtyn ınkýbator sehy, óndiristik kesheni jáne qus soıý sehy bar. Qus fabrıkasy Mańǵystaý oblysynyń ishki naryǵynyń qus etine qajettiligin 50% qamtamasyz etýge múmkindik beredi. О́nimniń birinshi partııasyn osy jyldyń maýsym aıynyń sońynda óńirdiń saýda sórelerine jetkizý josparlanýda.
Investısııalardyń jalpy kólemi 5,1 mlrd teńgeni quraıdy. Kásiporynda 90-nan astam turaqty jumys orny ashyldy.
Sondaı-aq Premer-Mınıstr Munaıly aýdanynda 85 ga aýmaqta salynyp jatqan «Aktau Green House» JShS jylyjaı kesheniniń qurylys jobasymen tanysty. Joba 2 kezeńde júzege asyrylady. Birinshi kezeńde ınvestısııa kólemi 26 mlrd teńgeni quraıdy. Bıylǵy jeltoqsan aıyna qaraı kásiporynda 180-nen astam jumys orny qurylady, al óndiris kólemi jylyna 8 myń tonna kókónisti quraıdy. Ekinshi kezeńde – 2022 jyldyń sońyna qaraı jumys oryndarynyń sany 430-ǵa deıin, al jylyjaı kesheniniń qýaty 13 myń tonna ónimge deıin ulǵaıtylady.
Úkimet basshysy halyqaralyq áýejaıdan Aqtaý kýrorttyq aımaǵyna deıingi joldy rekonstrýksııalaý, respýblıkalyq mańyzy bar «Jetibaı – Quryq» avtomobıl jolyn kúrdeli jóndeý barysyn, sondaı-aq óńirdegi basqa da avtojol jobalarynyń iske asyrylýyn tekserdi.
A. Mamın Aqtaý qalasynyń týrıstik ınfraqurylymynyń qurylys alańdaryn — taqyryptyq oıyn-saýyq parkin, golf-klýbyn, apartamentter men jalpy sany 600-den astam nómiri bar Fairmont, Hilton, Aqualina Resort brendteriniń qonaq úılerin aralady.
Úkimet basshysy josparlanǵan nysandar qurylysynyń ýaqytyly ári sapaly aıaqtalýyn qamtamasyz etýdi tapsyrdy.
Sondaı-aq jumys sapary aıasynda Premer-Mınıstr «Iаsın» medısınalyq ortalyǵynda bolyp, óńir turǵyndaryn koronavırýs ınfeksııasyna qarsy vaksınalaý barysymen tanysty.
