QAJ Departamentiniń probasııa qyzmeti bóliminiń mamandary sottalýshylarǵa jazasyn ótep kelgesin qoǵam ortasyna beıimdelýi men qaıta qylmys jasamaýǵa ár kezde qolushyn sozyp, qamqorlyq tanytady.
PQB mamandary ártúrli tárbıedegi jandarmen jumys atqarady. Olar qyzmetterin jaýapkershilikpen, ári asa yjdaǵattylyqpen istep keledi. Sondyqtan bul mamandyqqa kezdeısoq bireýler kele qoımaıdy. Baqylaýdaǵy adamdardyń minez-qulqy men qasaqana arazdyqqa ıtermeleýine jol bermeýi tıis. Bul turǵyda ShQO boıynsha QAJ Departamentiniń PQB-nyń mamandarynyń jumysy tabysty deýge bolady. Sonyń ishinde Zaısan aýdandyq PQB-nyń kadrlyq quramy jas mamandarmen tolyǵyp jatyr.
Bólim basshylyǵy jas mamandarǵa sottalǵandarmen ózara qarym-qatynasty, qyzmettik baılanysty, jaýapkershiligi mol salanyń qyr-syryn, jaı-japsaryn túsindirip, jas mamandarǵa qamqorlyq pen qoldaý kórsetip júr. Sonymen qatar jas mamandardy erte júrip sottalǵandardyń qamaýdan keıingi ómirge qalaı beıimdelýindegi jaǵdaılarymen tanystyryp, úı-úıdi aralap baılanys ornatyp, óziniń jáne sottalǵan azamattyń zańdy quqyqtarynda jumys istep, tez meńgerýine qolqabys jasap otyr.
Búginde IIM-niń Shyraqbek Qabylbaev atyndaǵy Qostanaı akademııasynyń bolashaq túlegi Tilek esimdi kýrsant Zaısan aýdandyq PQB-nyń quqyq qorǵaý salasynda alǵashqy tájirıbesin bastap ketti. Sanaýly ýaqyttyń ishinde óziniń quqyq qorǵaý salasynyń bilikti mamany bolatyndyǵyna – osy alǵan bilimi men tárbıesi, eń bastysy salmaqty minezi men adamgershilik qasıeti dálel. О́zine júktelgen mindetter men tapsyrmalardy tııanaqty ári jaýapkershilikpen oryndaıdy.
Bastysy Otanǵa qyzmet etemin degen PQB-niń jas mamandarynyń mindeti – tıisti kásibı tájirıbeden, taǵylymdamadan ótip, ózderin jaqsy qyrynan kórsete bilý.
