О́ner • 29 Sáýir, 2021

1 mamyrda álemniń on alty eli onlaın bas qosady

58 ret kórsetildi

Álemniń túkpir-túkpirindegi kórermen qaýym, onyń ishinde Brazılııa, Argentına, Bolıvııa, Venesýela, Kolýmbııa, Paragvaı, Perý, Ýrýgvaı, Chılı, Ekvador sondaı-aq Reseı, Polsha, Belgııa, Sıngapýr, Shvesııa men Avstralııada turatyn otandastarymyz Qazaqstan halqynyń birligi merekesi aıasynda «Astana Opera» teatrynyń spektaklin bir mezette tamashalaıtyn bolady, dep habarlaıdy Egemen.kz

Opera jáne balet teatrynyń spektaklderiniń onlaın kórsetilimi elordalyq teatrdyń You Tube platformasyndaǵy jeke kanalynan kórsetiledi. Sondaı-aq taratylymnyń ýaqyty men kúni týraly málimetterdi álemniń 16 elindegi Qazaqstan Respýblıkasynyń elshilikteri taratatyn bolady.

«Adamdardy mádenıet sııaqty eshnárse toptastyryp, biriktire almaıdy, sol sebepti biz Qazaqstan halqynyń birligi kúni álemniń ár qıyrynda spektaklderimizdiń onlaın kórsetilim jobasyn júzege asyrýdy kózdep otyrmyz. Oǵan 16 el qatysady dep josparlanýda. Alǵashqylardyń biri bolyp Qazaqstan Respýblıkasynyń Reseı, Brazılııa, Polsha men Shvesııadaǵy elshilikteri kelisim bildirdi. Onlaın afıshaǵa 5 spektakl endi – 28 sáýir kúni ótetin A.Adannyń «Korsar» baleti, kelesi kúni jurtshylyq nazaryna P.I.Chaıkovskııdiń «Aqqý kóli» tanymal baleti usynylmaq, operany súıetin otandastarymyzdyń nazaryna 30 sáýir kúni Dj.Pýchchınıdiń «Týrandot» spektaklin ázirledik. Al 1 jáne 2 mamyr kúnderi halyqaralyq aýdıtorııamyzdy álemdik horeografııa jaýharlary – L.Mınkýstyń «Don Kıhot» jáne A.Adannyń «Korsar» baletterimen qýantpaqpyz», dedi «Astana Opera» teatrynyń dırektory Ǵalym Ahmedıarov.

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar