Saltanatty ashylý rásimine sanıtarlyq talaptar saqtala otyryp, shekteýli adam qatysty. Merekelik jıynnyń shymyldyǵyn ashqan oblys ákimi Serikbaı Turumov turǵyndardy merekemen quttyqtap, sport kesheniniń jumysyna sáttilik tiledi. «Búgingi kún – árbir qazaqstandyq úshin týǵan jerge degen súıispenshilik pen adaldyq, azamattyq borysh pen jalpyulttyq kelisimniń merekesi. Osy bir aıtýly kúni Aqshuqyr aýylynda sońǵy úlgidegi jańa sport kesheni boı kóterip otyr. Memleket basshysy Qasym-Jomart Toqaev «Barlyq jastaǵy el azamattary arasynda buqaralyq sportty damytý mańyzdy. Dene shynyqtyrýdy órkendetý isi jańa chempıondar shyńyna shyǵatyn pıramıdaǵa aınalýy tıis», degen bolatyn. Bul baǵytta Mańǵystaý oblysy aýmaǵynda atqarylyp jatqan aýqymdy ister barshylyq. Qala, aýyl turǵyndaryna tegin sportpen shuǵyldanýǵa qajetti jaǵdaı jasalǵan. Túpqaraǵan aýdanynda 14 ashyq sport alańy, 5 fýtbol alańy, 5 kóshe trenajery bar. Barlyǵy sporttyq qural-jabdyqtarmen tolyq qamtylǵan.
