Álem • 04 Mamyr, 2021

Zoobaqtaǵy 8 arystannan koronavırýs anyqtaldy

43 ret kórsetildi

Úndistanda Haıdarabad qalasyndaǵy haıýanattar baǵyndaǵy 8 arystannan koronavırýs indetti tabyldy, dep habarlaıdy Egemen.kz

Belgili bolǵandaı, aýmaǵy 160 sharshy metrden asatyn safarı aımaǵyn shamamen 10 jastaǵy 12 arystan mekendeıdi. Sáýir aıynyń sońynda saıabaqta jumys isteıtin veterınarlar arystandardyń tábeti joǵalǵanyn, murynynan sý aǵyp, jótel paıda bolǵanyn baıqaǵan. Zertteý nátıjeleri boıynsha 4 atalyq jáne 4 analyq arystannan koronavırýsqa synama alynyp, oń nátıje kórsetken.

Veterınarlar janýarlardan synama úlgisin alyp, Haıdarabadtaǵy jasýshalyq jáne molekýlalyq bıologııa ortalyǵyna jibergen. Endi ortalyqtyń ǵalymdary janýarlar koronavırýstyń qandaı shtamyn juqtyrǵanyn anyqtap jatyr.

Úndistan koronavırýs juqtyrý jaǵdaılary boıynsha álemde ekinshi orynda tur. Densaýlyq saqtaý mınıstrliginiń sońǵy málimetterine sáıkes, elde barlyǵy 20,2 mıllıonnan asa adam COVID-19 juqtyrǵan. 16,6 mıllıonnan asa adam saýyǵyp, koronavırýs belgileri bar aýyrdan 222 myń adam qaıtys bolǵan.

Sońǵy jańalyqtar

Uqsas jańalyqtar