Qazaly aýdanynyń ákimi Murat Ergeshbaev kórshiles Aral aýdanynda arnaıy issaparmen baryp, balyq shabaqtaryn ósirý sharýashylyǵymen aınalysatyn mekemeler jumysymen tanysty.
Aýdan basshysy aldymen Qosjar aýylyndaǵy «Qamystybas balyq pıtomnıgine» bardy. Ol jerde Aral aýdanynyń ákimi Muhtar Orazbaev áriptesine kórshiles aýdandaǵy balyq sharýashylyǵy týraly keńinen áńgimelep berdi.
Al, «Qamystybas balyq pıtomnıgi» RMQK dırektorynyń orynbasary Aıdos Esepbaev 1966 jyldan beri jumys istep kele jatqan mekemede balyqtyń 3 túri ósiriletin jetkizdi.
Qazir munda aq amýr, dóńmańdaı jáne sazan balyqtarynyń 15 mlnǵa jýyq shabaǵy ósirilýde. Pıtomnık Qyzylorda oblysy aımaǵyndaǵy memlekettik tapsyryspen Aral óńiriniń, Syrdarııanyń tómengi quıylysyndaǵy balyq aýlaý kásipshiligine yńǵaıly tabıǵı sý qoımalary men kólderdi balyqtandyrý máselesimen aınalysyp kele jatqan mekeme.
Aýdan basshysy Aqshataý aýylyndaǵy balyq ósiretin ınkýbasııalyq sehta da boldy. О́tken jyly paıdalanýǵa berilgen sehty qazalylyq kásipker Tórebek Igilikov araldyq seriktesterimen birigip ashqan.
Tórebek Igilikovtyń aıtýynsha, jalpy quny 40 mln teńge bolatyn seh ǵalamdyq ekologııalyq qordyń qarjylaı qoldaýymen salynǵan. Jobany júzege asyrý úshin 11 mln qaıtarymsyz grantqa da qol jetkizgen.
Búginde balyq ósiretin ınkýbasııalyq sehta kókserke, sazan, dóńmańdaı jáne aq amýr shabaqtary ósirilip jatyr. Zamanaýı qural-jabdyqtar Reseıden satyp alynǵan. Balyq ýyldyryǵynan alynǵan dernásilder teńizdiń Aral jáne Qazaly aýmaǵyndaǵy aıdyndaryna jiberiletin bolady.
