Selınograd aýdanynyń PB kezekshi bólimine Tóńkeris aýylynyń turǵynynan Altynsarın aýylynyń mańynda jaıaý júrginshini belgisiz bireýdiń qaǵyp ketkeni týraly telefon habarlamasy kelip tústi. Zardap shegýshiniń jaǵdaıy aýyr ekeni anyqtaldy.
Oqıǵa ornyna kelgen polıseıler aldyn ala málimetter boıynsha, Ekaterınbýrg-Almaty tas jolynyń 1241 shaqyrymynda Subaru Forester markaly avtokóliginiń júrgizýshisi Altynsarın aýylynyń 25 jastaǵy turǵynyn baǵdarshamnyń tyıym salatyn sıgnalyna ótip bara jatqan jolaqta soǵyp ketkenin anyqtady. Jol-kólik oqıǵasy saldarynan zardap shekken adam Nur-Sultan qalasyndaǵy aýrýhanalardyń birine jatqyzyldy.
Atalǵan fakti boıynsha tártip saqshylary avtokólik júrgizýshisine qatysty QR QK 345-baby (Kólik quraldaryn basqaratyn adamdardyń jol qozǵalysy nemese kólik quraldaryn paıdalaný erejelerin buzýy) boıynsha sotqa deıingi is júrgizýdi bastady.
