Esterińizge sala keteıik, bıylǵy jyldyń 1 mamyrynan bastap elimizde sýarmaly sýdy berý tarıfi 0,421 teńge/m3-den 0,739 teńge/m3-ge deıin (qosymsha qun salyǵymen) ósti.
Sharýa qojalyqtary kanaldardan sý alý úshin aýyl sharýashylyǵy tutyný kooperatıvterine birigedi.
«D.Qonaev atyndaǵy ÚAK» fılıaly» 13 AО́K sýyn jiberedi jáne berilgen sýdyń 1 m3 úshin esep aıyrysý júrgiziledi, odan keıin AО́K 1,5 myń sharýa qojalyqtaryna ishki sharýashylyq kanaldary boıynsha sý jetkizedi jáne 1 gektar úshin aqy alady. Eger tarıftiń ulǵaıýyna deıin AО́K-den 1 ga úshin baǵa 10 myńnan 15 myń teńgege deıin ózgeretin bolsa, qazirgi ýaqytta keıbir AО́K boıynsha tarıftiń ulǵaıýyna silteme jasaı otyryp, bir gektar úshin baǵa 27 myńnan 35 myń teńgege deıingi kórsetkishti qurady. Árıne, bul AО́K-den sý alatyn aýyl sharýashylyǵy taýaryn óndirýshiler úshin qymbatqa túsedi», dep atap ótti fılıal dırektory Serikal Muqataev.
Mınıstrdiń aıtýynsha, AО́K arnalardy jumys jaǵdaıynda ustaýǵa qarajat salýy tıis.
«Sýaratyn sýǵa tarıfterdi kóterý – bul májbúrli shara. Tarıfterdiń deńgeıi «Qazsýshar» RMK-nyń magıstraldy arnalardy ustaýǵa arnalǵan shyǵystaryn ótemedi. Olardyń jaǵdaıy nashar bolǵandyqtan tehnıkalyq shyǵyndarǵa baılanysty sý fermerlerge jetpeıdi. Bul mańyzdy máselelerdi sheshý qajet», dep atap ótti Maǵzum Myrzaǵalıev.
Vedomstvo basshysy sondaı-aq sý únemdeý tehnologııalaryna kóshý mańyzdy ekenin, bul ónimdilikti arttyrýǵa yqpal etetinin atap ótti.
«Biz qosymsha shyǵyndardan qutylý úshin sharýalarǵa tikeleı sý berýge daıynbyz. Bul rette Qazsýshar Sý sharýashylyǵy obektilerin ustaýǵa jumsalatyn shyǵyndardy óz moınyna alady. AО́K-ge qoıylatyn basty talap – tarıfterdi kótermeý jáne sharýashylyqaralyq jelilerdi jóndeýge, arnalardy tazalaýǵa qarajat salý. Osylaısha, fermerler óz qarajatynyń qaıda jumsalyp jatqanyn biletin bolady», dedi mınıstr.
Maǵzum Myrzaǵalıev Bartoǵaı sý qoımasynyń gıdrotehnıkalyq qurylystaryn qarap shyǵyp, «Qonaev atyndaǵy ÚAK» fılıalyna aımaqtardaǵy aýyl sharýashylyǵy taýar óndirýshilerin sýarmaly sýmen úzdiksiz jáne utymdy qamtamasyz etý boıynsha naqty mindetter qoıdy.
