«Konstıtýsııalyq Keńes Prezıdent Qasym-Jomart Toqaevtyń 2021 jylǵy 8 sáýirde parlament qabyldaǵan «Qazaqstan Respýblıkasynyń keıbir zańnamalyq aktilerine advokattyq qyzmet jáne zań kómegi máseleleri boıynsha ózgerister men tolyqtyrýlar engizý týraly» zańnyń Konstıtýsııaǵa sáıkestigin qaraý týraly ótinishin is júrgizýge qabyldady», delingen resmı habarlamada.
Konstıtýsııalyq Keńes otyrysyna materıaldardy daıyndaý jumysy bastaldy.
Konstıtýsııalyq Keńeste quqyq qorǵaý, ǵylym jáne ózge de uıymdar men máselelerge mamandanǵan tulǵalar óz qorytyndylaryn gulmira@ksrk.gov.kz elektrondy poshtasyna jibere alatyny aıtyldy.
Konstıtýsııalyq Keńes - bul Qazaqstandaǵy konstıtýsııalyq baqylaýdyń ujymdyq organy. Ol 7 músheden turady. Konstıtýsııalyq Keńestiń tóraǵasy men eki múshesin Prezıdent, al eki múshesin tıisinshe Senat pen Májilis 6 jyl merzimge taǵaıyndaıdy. Nursultan Nazarbaev - Konstıtýsııalyq Keńestiń turaqty múshesi. Qazirgi tóraǵa - Qaırat Mámı.
