«Ústine qyzyl velomaıka kıip, qyzǵylt velosıped tepken jigitti jolyqtyrsańdar ol – Lıýk. Lıýk úsh dóńgelekti tandem (eki adam minetin velomsıped) Ulybrıtanııanyń Brıtol qalasynan Qytaı astanasy Beıjińge saparlap barady. Bul sapardy «3 dóńgelek. 30 memleket. 30 000 shaqyrym. 300 000 fýnt sterlıng» dep qysqasha sıpattaýǵa bolady», delingen habarlamada.
4 jyl buryn Lıýk syrqattanyp, oǵan sırek ári aýyr sarkoma túri (súıektiń qaterli isigi) degen dıagnoz qoıylǵan. Brıstolden Beıjińge deıingi sapar – onyń rakpen aýyrǵan adamdardy tolyqqandy ári qyzyqty ómir súrýge jigerlendirý amaly jáne óziniń armanyn oryndaý.
«Qazir Lıýk Aqtaý qalasyna kelip jetti, biz oǵan Qazaqstan vızasyn rásimdeýge kómektestik, al Sergeı Kolganov onymen tandem velıkti birge tepti. Taıaýda saıahatshy О́zbekstanǵa attanady, sosyn Qazaqstanǵa qaıta oralyp, Shymkent, Taraz, Almaty jáne basqa da qalalarǵa soǵyp ótedi», delingen jazbada. ⠀
Qazaqstandyqtar Lıýktiń Instagram-daǵy akkaýntyna qoldaý bildirgen kóptegen jazba qaldyrǵan. Myna saıtta velokezbeniń qaı jerde ketip bara jatqan trekıngin kórýge bolady.
