Seımanyń depýtaty Edmýndas Pýpınıspen áńgime barysynda ekijaqty jáne halyqaralyq kún tártibindegi ózekti máseleler talqylandy.
Suhbattasýshylardyń pikirinshe, Qazaqstan men Lıtva Ortalyq Azııa men Baltyq óńirindegi mańyzdy saıası jáne ekonomıkalyq seriktes elder. Eki el arasyndaǵy taýar aınalymy 2020 jyly «COVID-19» pandemııasyna qaramastan 482 mln AQSh dollarynan asty.
Aıgúl Quspannyń aıtýynsha, Qazaqstan men Lıtva arasynda syndarly qarym-qatynas pen túrli salalardaǵy ózara tıimdi yntymaqtastyqty nyǵaıtýǵa yqpal etetin turaqty saıası dıalog ornyqqan.
О́z kezeginde Edmýndas Pýpınıs Májilis depýtattaryn alda kele jatqan Qazaqstan Táýelsizdiginiń 30 jyldyǵymen quttyqtap, Lıtva tarapynyń bizdiń elmen seriktestik qarym-qatynastardy odan ári nyǵaıtýǵa zor qyzyǵýshylyǵyn bildirdi.
Áńgimelesý barysynda taraptar Qazaqstan men Lıtvanyń zań shyǵarýshy organdary arasyndaǵy turaqty qarym-qatynas eki jaqty parlamentaralyq yntymaqtastyqty jandandyrýǵa, sondaı-aq halyqaralyq uıymdar sheńberindegi ózara is-qımyldy tereńdetýge yqpal etetin atap ótti.
