«Biz is-sharalar josparyn ázirledik, qarashadan bastap elimizdiń barlyq jetekshi mamandarymen jumys júrgizdik, aqparattyq júıeni taldadyq. Sondaı-aq barlyq egjeı-tegjeıli jaǵdaılardy esepke alý jáne taldaý boıynsha medısınalyq uıymdardyń jumysy júrgizildi. Sondaı-aq Ulttyq statıstıka bıýrosy kesh tirkeýdiń barlyq jaǵdaılaryn (qaıtys bolý týraly kýálikterdi) eskerdi. Densaýlyq saqtaý mınıstrligi men Ulttyq statıstıka bıýrosy barlyq statıstıkalyq derekterdi salystyryp tekserdi. Densaýlyq saqtaý mınıstrliginiń aqparattyq júıelerinde ólim jaǵdaılary boıynsha barlyq derekter salystyryldy, taldandy, keıbir jaǵdaılar AHAJ organdarynda tikeleı tirkeldi», dedi Densaýlyq saqtaý vıse-mınıstri Ajar Ǵınııat.
Onyń aıtýynsha, 2020 jyly koronavırýstyń ólim-jitiminiń sońǵy statıstıkasy 4 729 adamdy qurady, onyń ishinde koronavırýs dıagnozy rastalǵan 1 783 pasıent jáne koronavırýstyq pnevmonııamen aýyrǵan 2 946 adam bar.
«Biz búgin Densaýlyq saqtaý mınıstrliginiń saıtynda aýrý men ólim-jitim boıynsha naqty derekterdi resmı túrde jarııaladyq. О́tken jyly jarııalanǵan derekter jedel túrde berilgen edi. Derekter shtabtyń sheshim qabyldaýy jáne epıdemııamen kúresý úshin qajet boldy. 2021 jyldyń tórt aıyndaǵy málimetter kún saıyn Ulttyq statıstıka bıýrosymen salystyrylady», dedi Ajar Ǵınııat.
