Qazaqstannyń Tuńǵysh Prezıdenti Nursultan Nazarbaev kórnekti ǵalym, Ulttyq ǵylym akademııasynyń akademıgi Amanjol Qoshanovtyń ómirden ótýine baılanysty aýyr qaıǵyǵa ortaqtasyp kóńil aıtty.
«Amanjol Qoshanuly sanaly ǵumyryn ǵylym jolyna arnap, otandyq ekonomıka teorııasy salasyn damytýǵa qomaqty úles qosqan tuǵyrly tulǵa bolatyn. Ol elimizdiń ekonomıkalyq múddeleri júıesin jasaý, ulttyq ekonomıkalyq qaýipsizdikti qamtamasyz etý sııaqty kóptegen mańyzdy másele boıynsha irgeli zertteýler júrgizip, memlekettik ǵylymı baǵdarlamalar jasaýǵa atsalysty. Ekonomıkalyq teorııa boıynsha ózindik mektebin qalyptastyrdy», delingen jedelhatta.
Elbasy Amanjol Qoshanovtyń ǵıbratty ǵumyry men jarqyn beınesi jurtshylyq jadynda árdaıym saqtalatynyna senim bildirdi.
